Իրանում կրոնական փոքրամասնություններն ունեն հավասար իրավունքներ
Իրանի իսլամական խորհրդարանի նախագահի հավաստմամբ, Իրանի իսլամական հանրապետության Սահամանդրությունը տարբեր կրոնների հետևորդների միջև տարբերություն չի դնում:
Հունվարի 4-ին , 2017 թվականի տարեմուտի առիթով, իսլամական խորհրդարանում քրիստոնյաների ՝ իրանահայերի և ասորիների պատգամավորների հետ ունեցած հանդիպմանը, Ալի Լարիջանին անդրադարձել է Իրանում տարբեր կրոնների խաղաղ գոյակցությանն, ասելով.-«Սահմանադրության համաձայն, բոլոր կրոնների հետևորդներն ունեն հավասար իրավունքներ»: Հատկանշական է, որ իրանահայերն իսլամական խորհրդարանում ունեն երկու պատգամավոր:
Շնորհավորելով Քրիստոսի հրաշափառ ծննդյան տոնի կապակցությամբ, Լարիջանին ասել է .-«Հիսուս Քրիստոսն ինչպես աստվածային մյուս մարգարեները, եղել է խաղաղության ու բարեկամության ավետաբեր և բարություն ու արդարություն հաստատելու համար նրա կենսակերպը պետք է օրինակ ծառայի մարդկությանը»:
Հանդիպմանն իսլամական խորհրդարանում ասորիների պատգամավոր ՝ Յունաթեն Բեթկոլիան, Թեհրանի և հյուսիսային իրանահայության, և Սպահանի և հարավային իրանահայության պատգամավորներ ՝ Դկտ. Կարեն Խանլարյանը և Ժորժիկ Աբրահամյանն ընդգծել են տարածաշրջանային զգայուն պայմաններում իրանի ժողովրդի տարբեր խավերի միջև միասնության, սրտակցության ու միատարրության պահպանման անհրաժեշտությունը:
