Լարիջանին դատապարտել է Ռուսաստանում տեղի ունեցած ահաբեկչական հարձակումը
Առանձին ուղերձներ հղելով ՌԴ Դաշնային ժողովի Պետական Դումայի և ՌԴ Դաշնային ժողովի Դաշնության խորհրդի նախագահներին , Իրանի իսլամական խորհրդարանի նախագահ Ալի Լարիջանին դատապարտել է այդ երկրի Սանկտ Պետերբուրգ քաղաքի մետրոպոլիտենի «Տեխնոլոգիական ինստիտուտ» կայարանում տեղի ունեցած վերջին ահաբեկչական քայլը:
Հինգշաբթի օրը ՌԴ Դաշնային ժողովի Պետական Դումայի նախագահ Վյաչեսլավ Վոլոդինին և ՌԴ Դաշնային ժողովի Դաշնության խորհրդի նախագահ Վալենտինա Մատվիենկոյին հղած առանձին ուղերձներում, ցավակցություն հայտնելով այդ երկրի կառավարությանն ու ժողովրդին և Սանկտ Պետերբուրգի մետրոպոլիտենի կայարանում տեղի ունեցած ահաբեկչական հարձակման հետևանքով զոհվածների հարազատներին, Ալի Լարիջանին ընդգծել է. «Ահաբեկչությունը թիրախավորել է ժողովուրդների ապագան»:
Նշելով ,որ ահաբեկչության տարածումը լուրջ սպառնալիք է բոլոր երկրների համար, Լարիջանին հստակեցրել է.«Ահաբեկչության դեմ մղվող ազդեցիկ պայքարը պահանջում է համաշխարհային վճռակամություն ու համագործակցություն»:
Հիշեցնենք, որ երկուշաբթի օրը Սանկտ Պետերբուրգի մետրոպոլիտենի «Տեխնոլոգիական ինստիտուտ» կայարանում տեղի ունեցած ահաբեկչական պայթյունի հետևանքով զոհվել է տասնչորս և վիրավորվել հիսուն մարդ:
