Լարիջանի.«Եվրասիայի խորհրդարանների նախագահների նիստը նպաստելու է կայուն անվտանգության հաստատմանը»
Իրանի իսլամական խորհրդարանի նախագահն ասել է.«Եվրասիայի խորհրդարանների նախագահների նիստը կարող է նպաստել երկրների տնտեսական հարաբերությունների ընդլայնմանը և կայուն անվտանգության հաստատմանը»:
Երեքշաբթի օրը Եվրասիական երկրների խորհրդարանների ղեկավարների նիստին մասնակցելու նպատակով Սեուլ է ժամանել Ալի Լարիջանին:
«ԻՌՆԱ» լրատվական գործակալության հաղորդման համաձայն՝ լրագրողներին տված հարցազրույցում, նշելով, որ Իրանն ակտիվ դերակատարություն է ունեցել եվրասիական երկրների խորհրդարանների ղեկավարների նիստի անցկացման գործընթացում, Լարիջանին ասել է.«Նկատի առնելով միջազգային պայմանները, նման կառույցներն ու կազմակերպությունները կարող են նպաստել տարածաշրջանում կայուն անվտանգության հաստատմանը և երկրների տնտեսական հարաբերությունների զարգացմանը»:
Հուսալով, որ կձևավորվի Եվրասիական երկրների խորհրդարանների ղեկավարների նիստերի կանոնադրությունը, Լարիջանին նշել է, որ խորհրդարանների նախագահները նիստում քննարկելու են տնտեսական ներդրումների, էներգետիկայի և անվտանգության հետ կապված հարցեր:
Նշելով, որ այցի շրջանակում հանդիպումներ է ունենալու Հարավային Կորեայի պաշտոնատարների հետ, Իրանի խորհրդարանի նախագահը հավաստիացրել է, որ այդ հանդիպումների առանցքն է լինելու Հայարավային Կորեայի և նիստին մասնակից մյուս պետությունների հետ Իրանի հարաբերությունների ընդլայնումը:
Եվրասիական երկրների խորհրդարանների ղեկավարների նիստում Լարիջանին ընդգծել է, որ ԱՄՆ-ի ռազմավարությունը ահաբեկչության դեմ պայքար չէ, այլև դրան զուգահեռ է:
Իրանի ռադիո-հեռուստատեսության լրատվական գործակալության հաղորդման համաձայն՝ Ալի Լարիջանին ահաբեկչությունն ու ծայրահեղականությունը կործանարար սպառնալիք է համարել և նշել է, որ ԱՄՆ-ը չի պայքարում ահաբեկչության դեմ:
Նրա խոսքերով՝ նկատի առնելով իր աշխարհաքաղաքական դիրքը և տնտեսական, մշակության ու անվտանգության մեծ պոտենցիալները, ԻԻՀ-ը պատրաստ է առավել քան երբևե դերակատարություն ունենալ Եվրասիայի բազմակողմանի զարգացման գործընթացում և նպաստել կայուն անվտանգության հաստատմանը:
