Թեհրանի նկատմամբ շրջափակումներ սահմանելու պատճառով Իրանը հայց է ներկայացրել ԱՄՆ-ի դեմ
Իրանի իսլամական խորհրդարանի նախագահն ասել է.« ԱՄՆ-ի կողմից հակաիրանական նոր շրջափակումներ կիրառվելու պատճառով, Թեհրանը հայց է ներկայացրել Համատեղ գործողությունների համապարփակ ծրագրի համատեղ հանձնաժողովին ու խորհրդին»:
Անդրադառնալով Իրանում Համատեղ գործողությունների համապարփակ ծրագիրը վերահսկող կազմի գումարած նիստին, Ալի Լարիջանին ասել է.«Իրանը թույլ չի տա, որպեսզի ամերիկացիները հասնեն իրենց նպատակին»:
Լարիջանին հավելել է.«Որոշ երկրներ ևս հստակ հայտարարել են, որ ԱՄՆ-ի հակաիրանական քայլերը Համատեղ գործողությունների համապարփակ ծրագրի խախտում են համարվում»:
Նշելով ,որ ԱՄՆ-ն ամեն ինչ անում է միջուկային գործարքի իրագործումը խոչընդոտելու համար, Լարիջանին հստակեցրել է.«Թեհրանի դեմ նոր օրինագիծ վավերացնելու ԱՄՆ Կոնգրեսի որոշումը նպատակ ունի կանխել Իրանում արվող ներդրումները»:
ՀԳՀԾ-ի գործընթացը վերահսկող իրանական պատվիրակության երեկ գումարած նիստում ընդգծվել է Իրանի կողմից ԱՄՆ Կոնգրեսի ընդունած վերջին օրինագծին հզոր, համարժեք ու խելամիտ պատասխան տրվելու անհրաժեշտությունը:
