Լարիջանին ընդգծել է Լատինական Ամերիկայի երկրների հետ համատեղ աշխատանքային խումբ ստեղծելու անհրաժեշտությունը
Անդրադառնալով Լատինական Ամերիկայի երկրների հետ հարաբերությունների ընդլայնման անհրաժեշտությանը, Իրանի իսլամական խորհրդարանի նախագահ Ալի Լարիջանին ասել է.«Իրանի Իսլամական Հանրապետության և ՄԵՐԿՈՍՈՒՐ-ի խորհրդարանի միջև համատեղ աշխատանքային խմբի ստեղծումը կնպաստի գործակցության զարգացմանը»:
ՄԵՐԿՈՍՈՒՐ-ը Հարավային Ամերիկայի երկրներից կազմված տարածաշրջանային միություն է: Այն ստեղծվել է 1986թ.: ՄԵՐԿՈՍՈՒՐ-ի կազմում են Արգենտինան, Բրազիլիան, Պարագվայը, Ուրուգվայը և Վենեսուելան:
Երկուշաբթի օրը Թեհրանում Լատինամերիկյան տարածաշրջանի խորհրդարանների (ՄԵՐԿՈՍՈՒՐ) գլխավոր քարտուղար Առլինդո Չինագլիայի հետ հանդիպման ժամանակ Ալի Լարիջանին նշել է.«Իրանի Իսլամական Հանրապետության արտաքին քաղաքականությունը հատուկ ուշադրություն է դարձնում Լատինական Ամերիկայի երկրներին՝ մասնավորապես ՄԵՐԿՈՍՈՒՐ-ի տնտեսական բլոկին»:
Լատինամերիկյան տարածաշրջանի խորհրդարանների գլխավոր քարտուղար Առլինդո Չինագլիան այդ հանդիպման ժամանակ ասել է.«ՄԵՐԿՈՍՈՒՐ-ի խորհրդարանը ցանկանում է ընդլայնել իր քաղաքական ու տնտեսական հարաբերություններն Իրանի հետ, ուստի լավ ծրագրեր են նախատեսվել երկկողմ հարաբերությունների ամրապնդման համար»:
