Լարիջանին ցավակցել է Իսպանիայի Սենատի և Կոնգրեսի նախագահներին
Իրանի իսլամական խորհրդարանի նախագահ Ալի Լարիջանին ցավակցական ուղերձ է հղել Իսպանիայի Սենատի նախագահին և պատգամավորներին ՝ նախօրեին Բարսելոնայում նախօրեին տեղի ունեցած ահաբեկչական հարձակման կապակցությամբ:
Իսպանիայի Կոնգրեսի նախագահ Աննա Պաստոր Ջուլիանին և այդ երկրի Սենատի նախագահ ՝ Փիո Գարսիա Էսկոդերոյին հղած ցավակցական ուղերձում, Ալի Լարիջանին նշել է.«Նման անմարդկային քայլերը վկայում են մերօրյա աշխարհում բռնության, անապահովության ու կույր ահաբեկչության տարածման մասին ՝ ընդգծելով երևույթի դեմ պայքարի նպատակով համաշխարհային միասնության անհրաժեշտությունը»: Այդ մասին հաղորդել է ԻՌՆԱ գործակալությունը:
Օգոստոսի 17-ին մինիվեն մեքենան վրաերթի է ենթարկել իսպանիայի բարսելոնա քաղաքի Լաս Ռամբլա փողոցի անցորդներին: Դեպքի հետևանքով զոհվել է 13 հոգի, ավելի քան հարյուրը վիրավորվել են:
ԻԼԻՊ ահաբեկչական խմբավորումն իր վրա է վերցրել հարձակման պատասխանատվությունը:
