Զարիֆ.«ԱՄՆ շրջափակումները ոչ մի ազդեցություն չեն ունեցել Իրանի միջուկային առաջընթացի վրա»
Իրանի Իսլամական Հանրապետության Արտաքին գործերի նախարարն ասել է.«ԱՄՆ-ն բոլոր հնարավոր սահմանափակումները կիրառել է Իրանի դեմ, բայց դրանք ամերիկացիների ուզած արդյունքը չեն տվել»:
Global Publishing պարբերականին տված հարցազրույցում Իրանի ԱԳ նախարար Մոհամմեդ Ջավադ Զարիֆը հստակեցրել է.«Երբ ԱՄՆ-ն սկսեց շրջափակումներ սահմանել Իրանի նկատմամբ, Իրանն ընդամենը 200 ցենտրիֆուգ ուներ, բայց երբ ԱՄՆ-ն 2013 թվականին բանակցության մեջ մտավ, Իրանը 20 հազար ցենտրիֆուգ ուներ»:
Նշելով,որ Իրանի միջուկային ծրագրի վերաբերյալ Իրան-Վեցյակ համաձայնության նպատակը յոթ բանակցող կողմերի շրջանակում մտահոգությունների փարատումն էր, Զարիֆը հավելել է.«Միջազգային հանրությունը ըմբռնել է Իրանի միջուկային համաձայնության արժեքը և ՄԱԿ-ի Գլխավոր ասամբլեայի նստաշրջանի մասնակից երկրների մեծ մասն աջակցելով այս համաձայնությանը ընդգծել են միջուկային գործարքը կնքած երկրների կողմից Համատեղ գործողությունների համապարփակ ծրագիրը հարգվելու անհրաժեշտությունը»:
Իրանի ԱԳ նախարարը մերժել է ՀԳՀԾ-ի շուրջ վերստին բանակցելու ԱՄՆ-ի դիմումը:
