Լարիջանի.«ԱՄՆ-ի ազգային անվտանգության ռազմավարության փաստաթուղթը հիմնված է սխալ վերլուծությունների վրա»
Իրանի իսլամական խորհրդարանի նախագահն ասել է.«ԱՄՆ-ը իր ռազմավարության փաստաթղթում Իրաքում ու Սիրիայում ԻԼԻՊ ահաբեկչական խմբավորման ոչնչացումն իր անունով է գրանցել, սակայն իրականացել է Իրանի, Ռուսաստանի ու Թուրքիայի շնորհիվ և ԱՄՆ-ը ոչ մի դերակատարություն չի ունեցել»:
Կիրակի երեկոյան, Պակիստանի մայրաքաղաք՝ Իսլամաբադում, «Տարածաշրջանային կապերն ընդլայնելու միջոցով ընդհանուր բարեկեցության ուղղությամբ հեռանկարների հայտնաբերումը» թեմայով նիստում, Ալի Լարիջանին ասել է.«ԱՄՆ-ն այն պայմաններում է հայտարարում, որ վերացրել է թմրաբիզնեսը, երբ 2001 թվականից ՆԱՏՕ-ն և ԱՄՆ-ը տեղակայվելով Աֆղանստանում, այդ երկրում թմրանյութի արտադրումը 9000 տոննայի բարձրանալով, 45 տոկոս աճ արձանագրեց»:
Լարիջանին հավաստիացրել է, որ ԱՄՆ-ի ազգային անվտանգության ռազմավարության փաստաթղթում այն պայմաններում է խոսք գնացել Իսրայելի ու Պաղեստինի միջև խաղաղության հաստատման մասին, երբ վերջերս Վաշինգտոնը անտեսելով պաղեստինցիների կարծիքը, մտադիր էր իր դեսպանությունը Թել Ավիվից Երուսաղեմ փոխադրել:
«ԱՄՆ-ը խնդիրներ է առաջացնում տարածաշրջանի և աշխարհի երկրների համար, որովհետև ժողովրդավարություն չի ձգտում և աջակցում է տարածաշրջանի բռնակալ երկրներին»,-ասել է Իրանի օրենդիր իշխանության ղեկավարը:
