Սիրիայի դեմ ԱՄՆ-ի սպառնալիքն ահաբեկիչներին խրախուսում է քիմիական զենք օգտագործել
ՄԱԿ-ում Սիրիայի ներկայացուցիչն ասել է, որ Սիրիային ռազմական հարձակմամբ սպառնալու այդ կազմակերպությունում ԱՄՆ-ի ներկայացուցչի արտահայտություններն ահաբեկիչներին դրդում են քիմիական զենք օգտագործել:
Վկայակոչելով Ալ-Մայադին լրատվական գործակալությունը, ԻՍՆԱ-ն հաղորդել է, որ Բաշշար Ալ-Ջաֆարին Նիքի Հեյլիի ռազմական սպառնալիքները պատրվակ է համարել իր երկրի վրա հարձակվելու համար, ասելով, որ ահաբեկչությունը հովանավորող պետությունները սովորություն են դարձրել, որ երբ Սիրիայի բանակն առաջատար է լինում ահաբեկիչների դեմ պատերազմում, հակաքարոզչական արշավներ կազմակերպեն:
Նշելով, որ ահաբեկչության դեմ պայքարը Անվտանգության խորհրդի բանաձևերի համաձայն Սիրիայի կառավարության իրավունքն է, Բաշշար Ալ-Ջաֆարին ԱՄՆ-ի, Բրիտանիայի և Ֆրանսիայի ներկայացուցիչներին կոչ է արել դադարեցնել ահաբեկչական խմբավորումների նկատմամբ հովանավորությունը:
Սիրիայի պետական հեռուստաընկերության հաղորդման համաձայն, հաստատված տեղեկություններ կան Արևելյան Ղութայի մոտալուտ ազատագրման մասին:
