ՀԳՀԾ-ից հետո, դեպի Եվրոպա Իրանի արտահանումների ծավալները տասը անգամ աճել են
Իրանում Գերմանիայի դեսպանն անդրադարձել է ՀԳՀԾ-ի արդյունքներին, ասելով.«ՀԳՀԾ-ից հետո, դեպի Եվրոպա Իրանի արտահանումների ծավալները տասը անգամ աճել են»:
Իրանի ռադիո-հեռուստատեսության լուրերի ծառայության հաղորդմամբ, կիրակի օրը Թեհրանում կայացած Իրանի և Եվրոպայի առևտրական ու բանկային 6-րդ համագումարում, Միքայել Կլոր-Բերշտոլդը նշել է.«Համատեղ գործողությունների համապարփակ ծրագրի իրականացումից հետո, դեպի Եվրոպա Իրանի արտահանումների ծավալները 60 տոկոսանոց աճ են արձանագրել»:
Իրանում Գերմանիայի դեսպանը հայտարարել է, որ իր երկիրը լուրջ է ընդունում միջուկային համաձայնությունը և փորձում է կառուցողական ու ակտիվ դերակատարություն ունենալ Իրանի և Եվրամիության միջև:
Կլոր-Բերշտոլդի ասածով, համաշխարհային կազմակերպությունների ներկայացրած տվյալների համաձայն, Իրանի վարկանշային ու տնտեսական ռիսկային դիրքը հինգից վեցի է բարձրացել, որը շատ արժեքավոր ձեռքբերում է:
«Աշխարհի տնտեսական համակարգին Իրանի ավելի ռեալ ու ամբողջական միանալու համար կան չլուծված հարցեր, որոնց կարգավորման դեպքում իրականացվելու են տնտեսական շահերը».-հույս է հայտնել գերմանացի դեսպանը:
