Դուք պայքարեցիք հանուն մի մեծ ժողովրդի երազանքների իրականացման. Ռոհանի
ԻԻՀ նախագահը երեքշաբթի վաղ առավոտյան Իրանի ֆուտբոլի ազգային հավաքականի անդամներին հղած ուղերձում ընդգծել է. «Դուք պայքարեցիք հանուն մի մեծ ժողովրդի երազանքների իրականացման: Դուք պատիվ էք բերում այն ժողովրդին, որի անունը զուգակցված է պայքարի փահլևանության հետ և երախտապարտ է իր մարզիկների անձնուրացությանը»:
ԻՌՆԱ-ի հաղորդման համաձայն, Հասան Ռոհանին այս ուղերձում նշել է. «Աստծո ողջույնն ու երախտագիտությունը Ձեզ՝ Իրանի սլացիկ ու պատվազգաց երիտասարդներին, ովքեր վճռակամությամբ, զգաստությամբ և Ռուսաստանի 2018 թվականի համաշխարհային առաջնության ընթացքում փայլուն խաղերով աշխարհին ի ցույց դրեցին միատարր, լիահույս ու ջանասեր մի ժողովրդի մեկ այլ պատկերը»:
Իրանի ֆուտբոլի ազգային հավաքականը Ռուսաստանի համաշխարհային առաջնության խմբային փուլի իր վերջին հանդիպման ընթացքում երկուշաբթի գիշեր Սարանսկում մրցեց Պորտուգալիայի ազգային հավաքականի դեմ և պանծալի խաղ ցուցադրելով 1-1 ոչ-ոքի արձանագրեց:
Այս արդյունքով ԻԻՀ ազգային հավաքականը 4 միավոր վաստակեց, սակայն հաջորդ փուլ անցնելու ուղեգիր չստացավ:
