Իրանը ցանկանում է ամենալավ հարաբերություններն ունենալ Պակիստանի հետ. Զարիֆ
ԻԻՀ ԱԳ նախարարը Պակիստանի ազգային խորհրդարանի նախագահի հետ հանդիպման ժամանակ ասել է. «Իրանը ցանկանում է ամենալավ ու ամուր հարաբերություններն ունենալ Պակիստանի հետ»:
ԻՌՆԱ-ի հաղորդման համաձայն, Մոհամմադ Ջավադ Զարիֆը հինգշաբթի օրը Ահմեդ Ղեյսարի հետ հանդիպման ժամանակ ողջունելով ահաբեկչության դեմ պայքարում Պակիստանի ջանքերն, ասել է. «Իրանը տարածաշրջանում խաղաղության ու կայունության հաստատման ուղղությամբ լավ գործընկեր է համարում Պակիստանին»:
Զարիֆը հույս է հայտնել որ Իմրան Խանի գլխավորությամբ Պակիստանի նոր կառավարության գործունեության շրջանում Իրանի ու Պակիստանի միջև անկեղծ ու բարեկամական հարաբերություններն էլ ավելի կընդլայնվեն:
Պակիստանի ազգային խորհրդարանի նախագահ Ահմեդ Ղեյսարը հանդիպման ժամանակ ասել է. «Պակիստանը վճռակամ է իսլամ ժողովրդի միասնականության ամրապնդման հարցում և այս կապակցությամբ չափազանց կարևոր է բնութագրում ԻԻՀ-ի դիրքը»:
Մոհամմադ Ջավադ Զարիֆը Պակիստանի նոր կառավարության պաշտոնատարների հետ հանդիպում ու զրույց ունենալու, նաև երկու երկրի համագործակցությունների ընդլայնման նպատակով հինգշաբթի օրը մի պատվիրակություն գլխավորելով ժամանել է Իսլամաբադ: