Որևէ ուժ կամ պետություն չի կարող ընդդիմանալ Իրանի ժողովրդին. Ռոհանի
ԻԻՀ նախագահն ասաց. «Իրանը ժողովրդավարական իշխանություն է և որևէ ուժ կամ պետություն չի կարող կանգնել մի ժողովրդի դիմաց»:
ԻԻՀ նախագահ Հասան Ռոհանին Նյու Յորքի տեղական ժամանակով երեքշաբթի օրը ԱՄՆ-ի CNN հեռուստակայանին տված հարցազրույցում անդրադառնալով Իրանում իշխանափոխության մասին ԱՄՆ-ի վարչակազմի փայփայած երազանքին, ընդգծեց. «Ամերիկացիներն անցյալում ենթադրում էին, որ Իրանում գործ ունեն մի ռեժիմի հետ, որը իսլամական հեղափոխությանը նախորդող շրջանի նման լիովին գտնվում է իրենց վերահսկողության ներքո, բայց որևէ ժամանակ իրենց այդ նպատակին չհասան և Իրանի ժողովուրդը շարունակելու է ամուր կանգնած մնալ»:
«Նրանք ասում են, որ Իրանի ժողովրդին ճնշման տակ կդնեն ու դրան զուգահեռ հայտարարում են, որ սիրում են Իրանի ժողովրդին»,-հավելեց Ռոհանին:
ԻԻՀ նախագահը նշեց. «Իրանի դեմ ԱՄՆ-ի անօրինական պատժամիջոցները միայն ճնշում են գործադրում սովորական ժողովրդի առօրյա կյանքի վրա և դա Իրանի ժողովրդի հետ ԱՄՆ-ի թշնամության իմաստով է»:
«Պատմությունը կդատի այն մասին, որ ԱՄՆ-ն այս ժամանակահատվածում կոպիտ սխալ է թույլ տվել»,-հայտարարե Ռոհանին նկատելով, որ Իրանի պատժամիջոցների խստացումն ԱՄՆ-ի ու տարածաշրջանի օգտին չեն:
ԻԻՀ նախագահը մատնանշելով այն կետը, որ Սիրիայում Իրանի ներկայությունն այդ երկրի կառավարության դիմումի համաձայն է, ասաց. «Եթե չլինեին ԻԻՀ-ի ցուցաբերած օժանդակությունները և Սիրիայի ու Իրաքի ժողովրդի դիմադրությունն այսօր Բաղդադն ու Դամասկոսն ԻԼԻՊ-ի տրամադրության տակ էին լինելու և նրանք տարածաշրջանում ստեղծած կլինեին ահաբեկչական երկու պետություններ և սպառնալու էին ողջ տարածաշրջանն ու աշխարհը»:
