ԻԻՀ առաջնորդ.«Եվրոպացիների խոստումներն անհիմն են»
Ընդգծելով, որ Իսլամական հանրապետության նկատմամբ եվրոպացիների թշնամության դրդապատճառները սկզբունքային տարբերություն չունեն ԱՄՆ-ի թշնամության հետ, Իրանի իսլամական հեղափոխության մեծարգո առաջնորդն ասել է.«Եվրոպացիներն առերևույթ որպես միջնորդ են հանդես գալիս և շատ երկար են խոսում, բայց այդ խոսակցություններն անհիմն են»:
Այսօր առավոտյան Իրանի Բանիմացների խորհրդում ժողովրդի ընտրյալների հետ հանդիպման ժամանակ, վերլուծելով երկրում տիրող պայմանները, Իսլամական հանրապետության հեղափոխական ու քաղաքական հզորությունն ու կարգախոսները, և տարածաշրջանում դրանց տարածվելն ու կարևորելով Սրբազան պաշտպանության շրջանի դասերն ու դրանց տարածումը հասարակության մեջ, մեծարգո Այաթոլլահ Խամենեին ընդգծել է.«Երկրի առաջադիմության հարատևման համար անհրաժեշտ է ապավինել Աստծուն, հույս ունենալ ապագայի նկատմամբ, երիտասարդների, հատկապես հեղափոխական երիտասարդների շրջանում վստահություն առաջացնել, Ժողովրդի, հատկապես հեղափոխության ուժերի միջև հաստատել միասնություն, աջակցել ներքին արտադրությանը և օտարներից ամբողջովին հույսը կտրել:
Ընդգծելով, որ ԱՄՆ-ից ու Սիոնիստական ռեժիմից բացի, այլ երկրների հետ բանակցության ճանապարհը փակ չէ, Իսլամական հեղափոխության մեծարգո առաջնորդը հավելել է.«Ամեն դեպքում, երբեք չպետք է վստահել ԱՄՆ-ի և մի քանի եվրոպական երկրների գլխավորությամբ իսլամական համակարգի նկատմամբ թշնամության դրոշ բարձրացրած երկրներին, քանի որ նրանք ուղղակիորեն թշնամություն են տածում Իրանի Ժողովրդի նկատմամբ»:
Խոսելով միջուկային համաձայնությունից հետո եվրոպացիների գործունեության, իրենց խոստումները չկատարելու, և Համատեղ գործողությունների համապարփակ ծրագրից ԱՄՆ-ի դուրս գալուց և երկրորդական պատժամիջոցներ կիրառելուց հետո Եվրոպայի քայլերի մասին, մեծարգո առաջնորդն ասել է.«Եվրոպացիները չնայած իրենց տված խոստումներին, փաստորեն հավատարիմ են մնացել ԱՄՆ-ի պատժամիջոցներին և ոչ մի քայլ չեն արել Իրանի շահերի պահպանման ուղղությամբ: Այսուհետ էլ չի թվում որ նրանք ինչ-որ քայլ կանեն Իսլամական հանրապետության համար, ուրեմն պետք է ամբողջովին հույսը կտրել եվրոպացիներից»:
Նշելով, որ եվրոպացիները չեն կատարել իրենց 11 պարտավորությունները, Իսլամական հեղափոխության մեծարգո առաջնորդը հավելել է.«Այն անձինք, որոնք բանակցել են, այսօր ասում են, որ եվրոպացիները չեն կատարել իրենց պարտավորություններից և ոչ մեկը: Իսկ դա վկայում է, որ ոչ մի հարցում չպետք է վստահել նրանց»:
Չնայած այդ բոլոր թշնամություններին,ԻԻՀ մեծարգո առաջնորդ Այաթոլլահ Խամենեին գործերի ընթացքն ի շահ իսլամական հանրապետության գնահատելով, ասել է.«Այսօր Իսլամական համակարգը ոչ միայն ավելի հզոր է քան 40 տարի առաջ, այլև նախկին 10 տարիների համեմատ ավելի է հզորացել: Իրանի հեղափոխական ու քաղաքական հզորությունը տարածվել է տարածաշրջանում և հեղափոխության արմատներն ավելի են խորացել»:
