Մեկնաբանություն. Իսրայելում քաղաքական ճգնաժամ է հասունանում, խորհրդարանը լուծարման եզրին է
Առաջին քվեարկության արդյունքում Իսրայելի խորհրդարանի պատգամավորները համաձայնել են լուծարել այդ կառույցը: 61 պատգամավոր կողմ է քվեարկել խորհրդարանի լուծարմանը, 54-ը՝ դեմ: Սիոնիստական ռեժիմի խորհրդարանի լուծարման համար հարցը պետք է երեք անգամ քվեարկության դրվի:
2018 թվականի նոյեմբերից ի վեր, օկուպացված տարածքներում քաղաքական ճնգաժամ է հասունանում: Բենիամին Նեթանյահուի կառավարության կազմից Ավիգդոր Լիբերմանի և «Իսրայելը մեր տունն է» աջամետ կուսակցության անդամների դուրս գալով, կաբինետը կորցրեց իր մեծամասնությունը և խորհրդարանը լուծարվեց, որից հետո 2019 թ. ապրիլի 9-ին արտահերթ ընտրություններ անցկացվեցին:
Ընտրությունների արդյունքում «Լիքուդ» կուսակցությունը և նրա աջ դաշնակիցները ստացան տեղերի մեծամասնությունը, բայց նրանց չհաջոցվեց նոր կառավարություն ձևավորել: Հետևաբար, խորհրդարանում Բենիամին Նեթանյահուի դաշնակիցները քվեարկեցին խորհրդարանը ցրելու և 2019 թ. Սեպտեմբերի 17-ին երկրորդ արտահերթ ընտրություններ անցկացնելու որոշման օգտին՝ նպատակ ունենալով կանխել մեկ այլ անձի կողմից կառավարության ձևավորումը:
2019-ի սեպտեմբերին կայացած ընտրությունները չհանգեցրին նոր կառավորության ձևավորմանը, և խորհրդարանը կրկին լուծարվեց, իսկ երրորդ խորհրդարանական ընտրություններն անցկացվեցին 2010-ի մարտին: Չնայած ընտրություններին ոչ մի կուսակցություն մեծամասնություն չկազմեց, չորրորդ ընտրությունները կանխելու համար «Լիքուդ» կուսակցության առաջնորդ Բենիամին Նեթանյահուն և «Կապույտ և սպիտակ» դաշինքի առաջնորդ Բենի Գանցը համաձայնեցին կոալիցիոն կառավարություն ձևավորել:
Ըստ համաձայնության՝ որոշվեց Նեթանյահուն Իսրայելի վարչապետի պաշտոնը զբաղեցնի 18 ամիս, իսկ 2021 թվականի նոյեմբերից՝ Բենի Գանցը 18 ամսով զբաղեցնի վարչապետի պաշտոնը: Այնուամենայնիվ Իսրայելի ռեժիմի վարչապետ Նեթանյահուի և պատերազմի նախարար Գանցի միջև այնքան մեծ անվստահություն կա,որ ի սկզբանե սպասելի էր, որ այդ կառավորությունը չի կարողանա երկար գոյատևել:
Այժմ արվել է առաջին քայլը՝ խորհրդարանը լուծարելու և չորրորդ ընտրություններն անցկացնելու ուղղությամբ: Իսրայելի խորհրդարանի լուծարման օրինագիծը երեք փուլ քվեարկության դրվելու արդյունքում պետք է ստանա ձայների բացարձակ մեծամասնություն, այսինքն՝ 120 ձայներից 61-ը, որպեսզի վերջնականապես հաստատվի:
Խորհրդարանը լուծարելու պատճառներից մեկն ընդդիմության և Նեթանյահուի միջև բյուջեի վերաբերյալ տարաձայնությունն է: Նեթանյահուն մտադիր է մեկ տարով փակել բյուջեն, բայց Գանձը պնդում է, որ ըստ ձեռք բերված համաձայնության՝ բյուջեն պետք է երկու տարով փակել: Մյուս պատճառը՝ ներքին խնդիրների, հատկապես կորոնավիրուսի դեմ պայքարում Նեթանյահուի կառավարության անգործունակությունն է:
Այս առումով, «Յաշ Աթիդ» կուսակցության առաջնորդ Յաիր Լապիդը, որպես խորհրդարանի լուծարման գլխավոր հեղինակ, խորհրդարանի լուծարումը բնութագրում է ոչ թե որպես հաղթանակ, այլ որպես նոր կառավարության ձևավորման առաջին քայլ: Կառավարություն, որը կպայքարի կորոնավիրուսի պանդեմիայի դեմ, ուշադրություն կդարձնի տնտեսությանը և վերջ կդնի Իսրայելի հասարակության մեջ տիրող իրավիճակին:
Խորհրդարանի հնարավոր լուծարումը և չորրորդ ընտրությունների անցկացումը, վկայում են գրավյալ տարածքներում քաղաքական ճգնաժամի հասունացման և տարաձայնությունների շարունակման մասին, ինչը կարող է խորացնել քաղաքական վեճերը: Հաարեց թերթը գրում է. «Ավելի քիչ քան երկու տարվա ընթացքում Իսրայելը պատրաստվում է չորրորդ անգամ անցկացնել խորհրդարանական ընտրություններ, ինչը, իհարկե, պարզապես ընտրություն չէ, և դա կարող է սրել քաղաքական լարվածությունը»:
