Հակաիրանական նոր մեղադրանքներ. ԱՄՆ-ն շարունակում է ձախողված քաղաքականություն
Վերջին մի քանի օրերին ԱՄՆ-ի կողմից Իրանի դեմ ուղղված մեղադրանքների նոր փուլ է սկսվել:
Ամեն ինչ սկսվեց անցյալ շաբաթ, երբ ԱՄՆ արդարադատության նախարարությունը հայտարարություն տարածեց, որում պնդում էր, որ FBI- ը ԱՄՆ-ում խափանել է «ակտիվիստին» առևանգելու Իրանի կառավարության փորձը:
Նյու Յորքի դատախազ Օդրի Շտրաուսը հայտարարել է, որ Իրանի կառավարությունը, «ներքին գործակալներին հրամայել է հետևել և առևանգել ԱՄՆ-ում գտնվող իրանցի ակտիվիստին և վերադարձնել Իրան», որտեղ նրա ճակատագիրը լավագույն դեպքում անհայտ է:
Չնայած Իրանի դեմ ԱՄՆ-ի թշնամական քաղաքականության մեջ նման հայտարարությունը նորություն չէ, սակայն դրա համընկնումը մի քանի այլ իրադարձությունների հետ, այն վերածում է քննարկման առարկայի:
Ուրբաթ օրն Իրանի արտգործնախարար Մոհամադ Ջավադ Զարիֆը, վկայակոչելով Հաիթիի նախագահի սպանության մեջ ԱՄՆ ներգրավվածությունը և Վենեսուելայի նախագահի դեմ մահափորձը, հայտարարել է. «ԱՄՆ-ի հետ կապված զինված անձինք նախատեսել են այդ երկրի տարածքում սպանել Վենեսուելայի և Հաիթիիի առաջնորդներին: ԱՄՆ կառավարությունը ակտիվորեն թաքցնում է իր հանցավոր գործողությունները, ուրիշներին մեղադրելով ակնհայտ ծիծաղելի և մանկամիտ գործողության՝ առևանգման մեջ »:
ԱՄՆ-ի պատմությունը հագեցած է այլ երկրներում իրականացված ահաբեկչություններով, առևանգումներով և դիվերսիաներով: Իսկ Իրանի դեպքում, ԱՄՆ-ն շարունակում է առավելագույն ճնշման քաղաքականությունը:
ՀԳՀԾ-ի վերականգնման բանակցություններում Իրանը դիմակայեց ԱՄՆ-ի հավակնություններին, ինչն ԱՄՆ-ի համար դժվար է ընդունել: Այդ պատճառով ԱՄՆ-ը փորձում է օգտագործել այլ տարբերակներ և կեղծ մեղադրանքներ և սցենարներ ներկայացնելով, Իրանին դնել ծանր դրության մեջ:
Վիեննայի բանակցությունների ընթացքում Միացյալ Նահանգները հայտարարեց, որ մտադիր է շարունակել ջանքերը ՝ սահմանափակելու Իրանի միջուկային ծրագիրը՝ վերադառնալով ՀԳՀԾ-ով նախատեսված իր պարտավորությունների գործադրմանը: Իրանը մերժեց ԱՄՆ-ի այս հայտարարությունը:
ԱՄՆ կառավարության պաշտոնյաները տարիներ շարունակ ասում էին, որ բանակցությունների առաջընթացի ընթացքում Իրանի վրա ճնշումը և զիջումները պետք է պահպանվեն:
Փաստն այն է, որ ՀԳՀԾ-ից դուրս գալուց հետո, Վաշինգտոնի քաղաքականությունը չի փոխվել:
Բայդենի վարչակազմը պնդում է, որ փորձում է Վիեննայի բանակցությունների միջոցով վերակենդանացնել ՀԳՀԾ-ն, սակայն շարունակում է նախկին կառավարության ձախողված քաղաքականությունը և Վիեննայի բանակցություններում անտեղի պահանջներով հետաձգելով բանակցությունների արդյունքները:
Մյուս կողմից, ասյ սցենարը, Մոնաֆեղին ահաբեկչական խմբավորման վերջին հանդիպմանն ամերիկյան մի խումբ պաշտոնյաների և սենատորների մասնակցությանը զուգահեռ, վկայում է, որ այդ գործընթացներն ունեն մի նպատակ՝ կոտրել ԻԻՀ դիմադրությունը: