Մեկնաբանություն-Ղազախստանում ընթանում է CICA-ի գագաթնաժողովը
Հոկտեմբերի 13-ին Ղազախստանի մայրաքաղաք Աստանայում ԻԻՀ նախագահի ներկայությամբ մեկնարկել է «Ասիայում փոխգործակցության և վստահության միջոցների խորհրդակցության (CICA)» 6-րդ գագաթնաժողովը:
ԻԻՀ-ի նախագահ Սեյեդ Էբրահիմ Ռայիսին CICA-ի 6-րդ գագաթնաժողովում հանդես է եկել ելույթով:
Նա իր ելույթում ասել է.«Աշխարհն այսօր առավել քան երբևէ տարածաշրջանային ավելի արդյունավետ մեխանիզմների կարիք ունի: Միջազգային համակարգում փոխակերպման և անցման գործընթացը հասել է որոշակի փուլի, իսկ իշխանության նոր վերաբաշխման ժամանակ մերժվում են հեգեմոն մոտեցումները և ավելի շատ լսվում ու դիտարկվում են անկախ երկրների ձայնն ու դերը։
«Ահաբեկչության ու ծայրահեղականության դեմ արդյունավետ պայքարը, աֆղան փախստականներին և ներգաղթյալներին ցուցաբերվող աջակցությունը, Պաղեստինից մինչև Եմեն ճնշված ժողովուրդների պաշտպանությունը, երկրների ազգային ինքնիշխանությանը և տարածքային ամբողջականությանը ցուցաբերվող աջակցությունը, այդ թվում՝ Իրաքում և Սիրիայում, միակողմանիության և գերիշխանության դեմ առճակատումն իր բոլոր ձևերով և դժվար պահերին հարևաններին օգնելը եղել է Իրանի հզորության ուղին և մշտական ռազմավարությունը».-ասել է Ռայիսին:
Աստանայում CICA-ի 6-րդ գագաթնաժողովի անցկացումը մեծ նշանակություն ունի անդամների, տարածաշրջանային երկրների և նույնիսկ համաշխարհային հանրության համար։ Հատկապես, որ ներմայրցամաքային այս կարեւոր կազմակերպությանը միացել են Ասիայի հսկայական մայրցամաքի շատ կարեւոր ու ազդեցիկ երկրներ։ CICA-ի 6-րդ գագաթնաժողովին ամենաբարձր մակարդակով մասնակցել են տասնմեկ երկրներ, այդ թվում՝ Իրանը, Ռուսաստանը, Թուրքիան, Պակիստանը, Կատարը, Իրաքը, Ուզբեկստանը, Ղրղզստանը, Ադրբեջանը, Պաղեստինը և Տաջիկստանը:
«Ասիայում փոխգործակցության և վստահության միջոցների կոնֆերանսը»՝CICA-ն կարևոր միջազգային ֆորում է Ասիայում խաղաղության, անվտանգության և կայունության ապահովման գործում համագործակցության ամրապնդման համար: Այդիսկ պատճառով CICA-ի անդամ երկրների ղեկավարները մեծ կարևորություն են տալիս Ասիական այս կարևոր կազմակերպությանը:
Արևմուտքին և միջազգային սիոնիզմին կապված լրատվամիջոցները միշտ իրենց դժգոհությունն են հայտնել Ասիայում տարածաշրջանային հանդիպումներ անցկացվելու կապակցությամբ։ Սիոնիստական «J Post» կայքը գրել է.«Շանհայի համագործակցության կազմակերպության և Ասիայում փոխգործակցության եւ վստահության միջոցների ամրապնդմանն ուղղված կոնֆերանսի՝ CICA-ի վերջին երկու հանդիպումները, որոնք անցկացվել են Ղրղզստանում և Տաջիկստանում 30 երկրների ղեկավարների և միջազգային դիտորդական կազմակերպությունների ներկայացուցիչների մասնակցությամբ, վկայում են տարածաշրջանում ամերիկյան հզորության և ազդեցության թուլացման մասին: Եթե ցանկանում եք տեսնել, թե ինչպես կլինի աշխարհն առանց ամերիկյան ազդեցության, կարող եք որպես դիտորդ մասնակցել Տաջիկստանում Ասիայում փոխգործակցության և վստահության ամրապնդմանն ուղղված համաժողովին»:
ԱՄՆ-ից անկախ CICA-ի և Շանհայի համագործակցության կազմակերպությունների հանդիպումներին Սիո իստների այս արձագանքները վկայում են Ասիական մայրցամաքում ԱՄՆ դիրքերի թուլացման և անկարողության մասին: Այս տեսակետները ներկայացնում և կայունացնում են Ասիայի հսկայական մայրցամաքում աշխարհի անկախ երկրների թշնամիների զայրույթն ու ատելությունը։ Բացահայտելով և ներկայացնելով այս իրողությունները՝ ասիական երկրները կարող են Արևմուտքի և ռասիստական Իսրայելի ռեժիմի հետ համագործակցելու փոխարեն հակվել դեպի ասիական համագործակցություն: