Մամուլի տեսություն - 09.05.2023
National Interest հետազոտական ամսագիրը մի զեկույցում ԱՄՆ-ի ներկայիս իրավիճակը համեմատել է Խորհրդային Միության փլուզման գործընթացի հետ։
Վաթանե Էմրուզ օրաթերթ
Վաշինգտոնին անհրաժեշտ են ցավոտ և հրատապ բարեփոխումներ
Ամերիկյան հետազոտական և «National Interest» վերլուծական կենտրոնները գրել են. «Միացյալ Նահանգների սոցիալական, քաղաքական և տնտեսական կառուցվածքն այլևս չի գործում, Վաշինգտոնի ներքին պառակտվածությունը և միջազգային խնդիրները որոշակիորեն անհնար են դարձրել բարեփոխումների հաջողությունը և ստեղծվել է Խորհրդային Միության նման փլուզման պայմաններ։
Էթելաաթ օրաթերթ
Էրդողանի մրցակիցը՝ Թուրքիան Իրանի միջոցով կապելու ենք Չինաստանին
Թուրքիայի նախագահի թեկնածու Քեմալ Քըլըչդարօղլուն խոսել է Իրանի հետ փոխգործակցության և բարեկամության մասին։ Նա, ով Թուրքիայի մայիսի 24-ի ընտրություններում Էրդողանի լուրջ հակառակորդն է, իր ելույթում ասել է, որ ընտրություններում հաղթելու դեպքում մայրուղի կկառուցի, որը կմիացնի Թուրքիան Չինաստանին, և այդ մայրուղին շրջանցելով Ադրբեջանը կանցնի Իրանով:
Վաթանե Էմրուզ օրաթերթ
Կրտսեր Ռաբերտ Ֆ. Քենեդի. Իմ հորեղբայրը սպանվել է ԿՀՎ-ի կողմից
Կրտսեր Ռաբերտ Ֆ. Քենեդին, Ջան Քենեդիի եղբոր որդին և ԱՄՆ նախագահական ընտրությունների թեկնածուն ասել է, որ ԿՀՎ-ն կանգնած է 1963 թվականին Ջոն Քենեդիի սպանության կուլիսներում և, հավանաբար, առնչություն ունի 1968 թվականին Միացյալ Նահանգների գլխավոր դատախազ Ռաբերտ Քենեդիի սպանությանը։
Կրտսեր Ռաբերտ Ֆ. Քենեդին WYBC ռադիոյին տված հարցազրույցում ասել է. «Կան հիմնավոր ապացույցներ, որ ԿՀՎ-ն մասնակցել է Ջան Քենեդիի սպանությանը»: Մենք այս փուլում կասկածից ու շահարկումներից վեր ենք։
Քեյհան օրաթերթ
120,000 տոննա տարողությամբ առաջին լայնածավալ նավը մուտք է գործել Իրանի Չաբահար նավահանգիստ
Իրանի հարավ-արևելքում գտնվող Սիստան և Բելուջիստան նավահանգիստների և ծովային գործերի գլխավոր տնօրենը հայտարարել է այս տարի առաջին անգամ Չաբահար նավահանգստում ավելի քան 100,000 տոննա ցորեն տեղափոխող առաջին նավի մուտքի մասին:
Ղասեմ Ասկարի Նասաբը հավելեց. «Այս տեսակի նավերի մուտքի հնարավորությունը ընձեռելով՝ Չաբահար նավահանգստի համար ստեղծվել է բացառիկ հզորություն, որը Մաքրանի ափին կբերի ծովային տնտեսության աճի հնարավորություն»։
Ջավան օրաթերթ
Իրանի հոկեյիստուհիները չեմպիոնից բարձր են
Իրանի հոկեյի կանանց հավաքականը դարձավ Ասիայի փոխչեմպիոն: Ասիայի առաջնության եզրափակիչ խաղում Իրանի տափօղակով հոկեյի կանանց ազգային հավաքականը միայն պարտվեց հյուրընկալող Թաիլանդին և դարձավ Ասիայի փոխչեմպիոն։ Շուրջ երեք տարվա այս թիմը ուրախության ալիք բարձրացրեց սոցիալական ցանցերում՝ փայլելով Ասիայի առաջնությունում։ Օգտատերերը գնահատեցին թիմի անդամների ջանքերը, ովքեր կարողացան հասնել այս կետին շատ դժվարություններով և նվազագույն աջակցությամբ:
news.am
«Նեմեսիս»-ի արձանը քանդելու մտադրություն Երևանի իշխանությունը չունի․ Քաղաքապետարան
«Նեմեսիս» գործողության արձանը քանդելու մտադրություն Երևանի իշխանությունը չունի, «Ազատությանը» փոխանցել են Երևանի քաղաքապետարանից։
«Ազատությունը» հարց էր ուղղել քաղաքային իշխանությանն՝ արդյոք հայաստանյան ավիաընկերությունների առջև օդային տարածքը փակելուց ու Թուրքիայում բարձրացած աղմուկից հետո Երևանի իշխանությունը մտադրություն ունի՞ հեռացնելու «Նեմեսիս» գործողությանը նվիրված արձանը, թե օրակարգում նման հարց չկա։
Պաշտոնական Անկարան և Բաքուն դատապարտել են Երևանում հուշակոթողի տեղադրումը: Թուրքիան փակել է իր օդային տարածքը հայկական ավիաընկերությունների ինքնաթիռների համար, որոնք թռչում են երրորդ երկրներ։
Երեկ Թուրքիայի արտգործնախարար Մևլութ Չավուշօղլուն սպառնացել է՝ «եթե արձանը չհանեք, կարգավորումը չէ, դեռ մի բան էլ պատասխան քայլեր կանենք»։
news.am
Այս ճանապարհով ոչ մի ռեինտեգրացիայի մասին խոսք չի կարող լինել, սա ռեօկուպացիա է. Ռուբեն Վարդանյան
Մայիսի 9-ը միշտ լինելու է մեր տոնը, միշտ հիշվելու են մեր հաղթանակները եւ կերտվելու են նոր հաղթանակներ, ես դրանում համոզված եմ. սա Արցախի կաւերոր օրերից է, ես ուրախ եմ, որ երիտասարդներն են այստեղ կանգած, դուք եք սա սկսել: Այս մասին այսօր՝ մայիսի 9-ին, Ստեփանակերտում «Ո՛Չ Արցախի էթնիկ զտմանը» պահանջագրի և ստորագրահավաքի նախաձեռնող խմբի կազմակերպած հանրահավաքի ժամանակ իր ելույթում ասաց Արցախի նախկին պետնախարար Ռուբեն Վարդանյանը:
«Ես վստահ եմ, որ միայն դուք կարող եք կերտել արժանապատիվ ապագա ձեզ համար եւ ամբողջ Արցախի համար: Մենք միշտ եղել ենք արժանապատիվ մարդ, արժանապատիվ մարդ ու արժանապատիվ արցախցի, եւ մենք պահելու ենք մեր արժանապատվությունը՝ չնայած բոլոր դժվարություններին:
Մենք բոլորս իրար հետ միասին գծել էինք մեր կարմիր գծերը եւ ասել, որ դա անընդունելի է արցախցիների համար: Դրանք 6-ն են: Ապրիլի 23-ին Ադրբեջանը խախտեց այդ կարմիր գիծը՝ դնելով անցակետ»,-ասաց նա:
Ռուբեն Վարդանյանի խոսքով, միակ տարբերակը մնացել է պայքարելը. «Պետք է պայքարել, ուրիշ տարբերակ չկա, այլապես դու դառնում ես ոչ արժանապատիվ մարդ, որի վրա կարելի է ոտքերը սրբել ու անցնել: Կարմիր գիծը բոլորիս համար պետք է հստակ լինի, որովհետեւ մենք իրավունք չունենք ենթարկվելու, որ մեր անձնագրերը ստուգի ուրիշ պետություն: Ոչ ոք չպետք է սահմանափակի մեր ազատ ելք ու մուտքը Հայաստան:
news.am
Ես չեմ հավատում, որ այս փուլում ինչ-որ փաստաթուղթ կստորագրվի. Դա կվտանգի Փաշինյանի իշխանությունը. Վանեցյան
Մենք չգիտենք՝ ինչի մասին են բանակցում Հայաստանի եւ Ադրբեջանի իշխանությունները. Ես չեմ հավատում, որ այս փուլում ինչ-որ թուղթ կստորագրվի: Այս մասին, այսօր՝ մայիսի 9-ին, լրագրողների հետ զրույցում ասաց «Հայրենիք» կուսակցության նախագահ Արթուր Վանեցյանը:
«Նիկոլ Փաշինյանն անում է ամեն ինչ, ցանկացած քայլի գնում է՝ իր իշխանությունը պահելու համար: Փաստաթուղթ ստորագրելուց կա վտանգ, որ հանրությունը դուրս կգա փողոց և իր իշխանությանը վտանգ կսպառնա, ուստի Նիկոլ Փաշինյանն այս փուլում առանց թուղթ ստորագրելու իրականացնում է ադրբեջանցիների պահանջները: Տեղ գյուղում տեղի ունեցածը դրա վառ օրինակն է։ Ինչ-որ մի օր իմացանք, որ ՀՀ ԶՈՒ կողմից պահպանվող տարածքից հայկական ուժերը դուրս են եկել, և առանց մարտերի այդ տարածքը զբաղեցրել են ադրբեջանական զինված ուժերը։ Փաստացի զբաղեցրել են ՀՀ սուվերեն տարածքը:
Դրանից հետո ազատվեց ԱԱԾ սահմանապահ զորքերի հրամանատարը եւ փորձեցին ասել, որ թերացել է այդ պաշտոնյան, երբ պետք է փոփոխվեին ԶՈՒ ստորաբաժանումները սահմանապահ զորքերի ստորաբաժանումներով: Ինչ-որ մեկը հարց չի տալի՞ս. Եթե ինչ-որ պահի դատարկ են մնացել այդ հատվածները, այդ դիրքերը, սահմանապահ զորքերի մեղավորություն այստեղ որտե՞ղ էր: Սահմանապահ զորքերին ասել են՝ այսինք օրը կգնաք, կփոխարինեք ԶՈՒ ստորաբաժանումներին: Նրանք գնացել են, տեսել են՝ արդեն այդ վայրում նստած են ադրբեջանցիները, ԶՈՒ-ից որեւէ մարդ չկա»,-ասաց Վանեցյանը:
Նա հիշեցրեց, որ դրանից հետո ասվել է, որ թերացել ենք այս հարցում. «Ե՞վ, իսկ ո՞վ պետք է պատասխան տա այդ թերացման համար, որի հետեւանքով օկուպացվել է ՀՀ սուվերեն տարածքը, դրանից երկու օր հետո հետո ունեցել ենք զոհեր: Թերացել եք, գնացեք գլուխներդ պատներով տվեք»,-ընդգծեց Վանեցյանը:
tert.am
Փաշինյանը Մոսկվայում ներկա է գտնվել Հայրենական մեծ պատերազմում հաղթանակին նվիրված զորահանդեսին
Վարչապետ Նիկոլ Փաշինյանը մայիսի 9-ին Մոսկվայի Կարմիր հրապարակում ներկա է գտնվել Հայրենական մեծ պատերազմում հաղթանակի 78-րդ տարեդարձին նվիրված զորահանդեսին:
Մինչ այդ, Կրեմլում ՌԴ նախագահ Վլադիմիր Պուտինը դիմավորել է ՀՀ վարչապետին և զորահանդեսին մասնակցելու համար Մոսկվա ժամանած Բելառուսի, Ղազախստանի, Տաջիկստանի, Ղրղզստանի, Ուզբեկստանի և Թուրքմենստանի ղեկավարներին։
Զորահանդեսից հետո ՀՀ վարչապետը և մյուս երկրների առաջնորդները ծաղիկներ են խոնարհել անհայտ զինվորի հուշահամալիրին:
tert.am
Հանրահավաք՝ Ստեփանակերտի Վերածննդի հրապարակում
Ստեփանակերտի Վերածննդի հրապարակում այսօր կայացել է «Ո՛Չ Արցախի էթնիկ զտմանը» պահանջագրի և ստորագրահավաքի նախաձեռնող խմբի կողմից կազմակերպված հանրահավաքը։
Ելույթ ունեցողները շեշտել են, որ հանրահավաքն առաջին հերթին հայ ժողովրդի միասնության և կամքի ցուցադրություն է և այդ հրապարակից արցախցին ի լուր աշխարհի հայտնում է, որ ինքն է որոշելու, թե ինչպես ապրել, որտեղ և ում հետ:
Կոչ հղվեց ՀՀ քաղաքացիներին՝ թույլ չտալ ՀՀ գործող իշխանություններին Արցախի անունից ստորագրել որևէ փաստաթուղթ, որտեղ վտանգված կլինի արցախահայության ինքնորոշման իրավունքը, իսկ ՌԴ խաղաղապահ զորակազմին հորդորեցին անվերապահորեն կատարել իր պարտականությունները, տեր կանգնել նոյեմբերի 9-ի եռակողմ հայտարարության կետերին:
Դիմելով Արցախի իշխանություններին՝ հորդորեցին ճիշտ գիտակցել իրենց պարտավորությունները ժողովրդի առաջ և չտրվել արտաքին տարբեր ազդեցություններին, տեղի չտալ Ադրբեջանի ճնշումներին և առաջնորդվել միայն Արցախի ժողովրդի կամքով:
tert.am
«Անբարոյական» և «ոչ բարեկամական» քայլ. Ուկրաինայի ԱԳՆ-ն արձագանքել է Փաշինյանի և ԱՊՀ մյուս ղեկավարների ներկայությանը Կարմիր հրապարակում շքերթին
Ուկրաինան «անբարոյական» և «ոչ բարեկամական» արարք է համարում Հայաստանի, Ղազախստանի, Ղրղզստանի, Տաջիկստանի, Թուրքմենստանի և Ուզբեկստանի ղեկավարների մասնակցությունը Մոսկվայում անցկացված հաղթական շքերթին։ Այս մասին մայիսի 9-ին ֆեյսբուքյան էջում հայտնել է Ուկրաինայի արտաքին գործերի նախարարությունը։Գերատեսչությունը նաև ընդգծել է, որ Ռուսաստանի Դաշնության ղեկավար Վլադիմիր Պուտինը «ռազմական հանցագործ է», որի ձերբակալման համար Միջազգային քրեական դատարանն օրդեր է տվել, գրում է korrespondent.net-ը:Ուկրաինայի ԱԳՆ-ն նշում է,որ շքերթի նախորդ գիշերը Ռուսաստանը 25 թևավոր հրթիռ է արձակել Ուկրաինայի, այդ թվում՝ 15-ը՝ Կիևի ուղղությամբ։Գերատեսչությունը հավելել է, որ երկրների ղեկավարների մասնակցությունը համարում է «անբարոյական» և «ոչ բարեկամական» քայլ Ուկրաինայի նկատմամբ, «անտեսման դրսևորում» իր գոյատևման և ազատության համար պայքարող ուկրաինացի ժողովրդի նկատմամբ:«Կենտրոնական Ասիայի և Կովկասի ժողովուրդներն անգնահատելի ներդրում են ունեցել 78 տարի առաջ նացիզմի դեմ տարած հաղթանակում: Նրանք արժանի չեն Կրեմլի կողմից օգտագործվելու ճակատագրին՝ մասնակցելու կեղծ գործողությանը, որը որևէ կապ չունի նացիզմի դեմ հաղթանակածների սխրանքի հետ»,- ասվում է հաղորդագրության մեջ։
