Մամուլի տեսություն - 06.10.2023
Տնտեսագետները հստակ գնահատել են Իրանի տնտեսության հեռանկարները և կարծում են, որ Իրանը կարող է մեծացնել առևտուրը հարևան երկրների հետ մանրակրկիտ պլանավորմամբ և առավելագույն օգուտ քաղել տարածաշրջանում օտարերկրյա ներդրողների և զբոսաշրջիկների առկայությունից:
Դոնյայե Էղթեսադ օրաթերթ
Իրանի ապագա հնարավորությունները Մերձավոր Արևելքում Մերձավոր Արևելքի տնտեսությունը ձևափոխվում է: Անցած տասնամյակներում, երբ խոսում էին Մերձավոր Արևելքի երկրների մասին, մարդկանց մտքերում դրոշմվում էր նավթից և սպառողականությունից կախված ավանդական կառավարության կերպարը։ Սակայն այժմ այս երկրները փորձում են փոխել իրենց ապրանքանիշը։
Վիճակագրությունը ցույց է տալիս, որ տարածաշրջանի երկրներին հաջողվել է հասնել այդ նպատակին։ Մինչ աշխարհը 2022 թվականին օտարերկրյա ներդրումների 12%-ով անկում է ապրել, Պարսից ծոցի երկրներում օտարերկրյա ներդրումների ծավալն աճել է 10%-ով։ Բացի այդ, մարդկային կապիտալներն իրենց նպատակակետն են ընտրել այս տարածաշրջանը։
Էթեմադ օրաթերթ
Թուրքիան ձգտում է գազ ներկրել Իսրայելից Թուրքիայի էներգետիկայի նախարար Ալփ Արսլան Բիրքդարը հայտարարել է Իրաքից և Սիոնիստական ռեժիմից էներգիա ներկրելու իր երկրի ջանքերի մասին։ Թուրքիայի էներգետիկայի նախարարը հավելել է, որ Անկարան, բացի իր գազի կարիքների մի մասը ապահովելուց և դրա մի մասը Եվրոպա արտահանելու համար, դիտարկում է Իսրայելից գազ ներկրելու հարցը և այդ կապակցությամբ անհրաժեշտ հետաքննություն է անցկացնում։
Շարղ օրաթերթ
ՏԱՍՍ լրատվական գործակալություն.Մոսկվան պատրաստվում է ռուսական չափանիշներով երրորդ երկաթուղային գիծ կառուցել դեպի Իրանի հարավ Ռուսաստանի Դաշնության կառավարությունը հավանություն է տվել Ռուսաստանի ՎՏԲ բանկի (ՎՏԲ) առաջարկին Հյուսիս-Հարավ միջազգային տրանսպորտային միջանցքի զարգացման նախագծային գրասենյակ ստեղծելու վերաբերյալ, գրասենյակ, որի առաքելությունն է կառուցել ռուսական ստանդարտների երկաթուղային գիծ մինչև Բանդար Աբբաս Իրանի հարավում:
«Տասս» լրատվական գործակալությունը այս համատեքստում հաղորդել է, որ այս բանաձեւի շրջանակներում կձեւավորվի գրասենյակ, որը կհավաքի եւ կվերլուծի 1520 մմ լայնությամբ երկաթուղային գծի կառուցման ներդրումային նախագիծը դեպի հարավային Իրանի նավահանգիստներ։
Իրան օրաթերթ
Էլեկտրոնային սարքերի միջոցով Իրանի սահմանները խելացիացվում ենԻրանի սահմանապահ հրամանատարը հեռուստատեսային հաղորդման ժամանակ ասել է որ 7-րդ 5-ամյա ծրագրում սահմաններում էլեկտրոնային և մագնիսական պատեր են պատրաստվելու որի համար նաև ֆինասավորումները կատարվել են:
Ադրբեջանի օմբուդսմենը այցելել է Ռուբեն ՎարդանյանինԱդրբեջանի օմբուդսմենը այցելել է Ռուբեն Վարդանյանին, նրան հնարավորություն է տրվել կապ հաստատել ընտանիքի հետ:Այս մասին տեղեկանում ենք ԱՊԱ գործակալությունից:«Նա գոհունակություն է հայտնել պահման պայմաններից, նշել, որ ենթարկվել է նախնական բժշկական զննության, առողջական խնդիրներ չկան։Ապահովվել է հեռախոսազրույց ընտանիքի անդամների հետ, ծանրոցների առաքում, գրադարանից օգտվել և տեղեկատվության հասանելիություն»,-ասված է Ադրբեջանի գերատեսչության հաղորդագրության մեջ։Այս դեպքում հետաքննության ընթացքում ձերբակալվածի իրավունքների պաշտպանությունն իրականացնում է նրա ընտանիքի կողմից ընտրված փաստաբանը։
Հայաստանի և Ադրբեջանի ղեկավարները համաձայնել են մասնակցել հոկտեմբերի վերջին Բրյուսելում եռակողմ հանդիպմանը. Միշելայաստանի և Ադրբեջանի ղեկավարները համաձայնել են մասնակցել հոկտեմբերի վերջին Բրյուսելում կայանալիք եռակողմ հանդիպմանը: Ինչպես հայտնում է ՌԻԱ Նովոստին, այս մասին ասել է Եվրոպական խորհրդի ղեկավարը Շառլ Միշելը:Հոկտեմբերի հինգի երեկոյան Գրանադայում լրագրողների հետ զրույցում դիվանագիտական աղբյուրը հայտնել է, որ Եվրամիության խորհրդի նախագահը հանդես է եկել եռակողմ հանդիպման նախաձեռնությամբ՝ առաջարկելով ՀՀ վարչապետ Նկոլ Փաշինյանին ու Ադրբեջանի նախագահ Իլհամ Ալիևին հոկտեմբերի վերջին հանդիպել Բրյուսելում։Ավելի վաղ Ալիևը հրաժարվել էր Գրանադայում Փաշինյանի հետ՝ ԵՄ-ի, Ֆրանսիայի և Գերմանիայի մասնակցությամբ հանդիպումից:
Politico. Գրանադայի գագաթնաժողովը ֆիասկո էրԳագաթնաժողովը, որին մասնակցում էին մոտ 50 եվրոպացի առաջնորդներ, տասնյակ օգնականներ և լրագրողների լեգեոններ, ֆիասկո էր: Հավաքվածները չկարողացան որևէ զգալի առաջընթաց գրանցել Եվրոպայի դռան շեմին հակամարտությունների կարգավորման հարցում, կամ որևէ այլ տարածաշրջանային խնդրի, գրում է եվրոպական Politico պորտալը։Էմանուել Մակրոնի «Եվրոպական քաղաքական համայնք» նախագծի երրորդ հանդիպումը խորհրդականների կողմից ներկայացվեց որպես Հայաստանի և Ադրբեջանի միջև խաղաղության հասնելու, Բալկաններում լարվածությունը նվազեցնելու և մայրցամաքի անվտանգության մասին ռազմավարական զրույց վարելու հնարավորություն։Մինչ առաջնորդները հավաքվում էին Ուկրաինայի նախագահ Վլադիմիր Զելենսկու շուրջ, ով Գրանադայում էր՝ թմբկահարելու եվրոպական աջակցությունը Ուկրաինային՝ ԱՄՆ-ի օգնության վերաբերյալ մտահոգությունների ֆոնին, նրանք չկարողացան առաջընթաց գրանցել այլ հակամարտություններում՝ առանցքային խաղացողների բացակայության պատճառով:Լեռնային Ղարաբաղում հումանիտար ճգնաժամը լուծելու համար քայլեր ձեռնարկելու մասնակիցների հույսերը փլուզվեցին, երբ Իլհամ Ալիևը և Ռեջեփ Թայիփ Էրդողանը որոշեցին բաց թողնել հանդիպումը: Ղեկավարները հույս ունեին անցկացնել Ալիևի և Նիկոլ Փաշինյանի առաջին հանդիպումը այն բանից հետո, երբ Ադրբեջանը կայծակնային հարձակում սկսեց Լեռնային Ղարաբաղի վրա, որը հանգեցրեց 100,000 փախստականների արտագաղթի։Ադրբեջանը մեղադրել է Ֆրանսիային բանակցություններում կողմնակալության մեջ և, ի վերջո, համաձայնել է բանակցություններին, բայց միայն ԵՄ հովանու ներքո Բրյուսելում, սոցցանցում ասել է նախագահ Ալիևի օգնական Հիքմեթ Հաջիևը։Կոսովոյի և Սերբիայի միջև լարվածությունը թուլացնելու փորձերը նույնքան անօգուտ են: Կոսովոյի նախագահ Վյոսա Օսմանին հրաժարվել է բանակցել իր սերբ գործընկեր Ալեքսանդր Վուչիչի հետ, եթե Բելգրադի դեմ պատժամիջոցներ չկիրառվեն:
Ադրբեջանի դեմ պատժամիջոցներն այս փուլում հակաարդյունավետ կլինեն. ՄակրոնԱդրբեջանի դեմ պատժամիջոցներն այս փուլում հակաարդյունավետ կլինեն։ Այս մասին հայտարարել է Ֆրանսիայի նախագահ Էմանուել Մակրոնը, փոխանցում է Reuters-ը։ Նա դատապարտել է Ադրբեջանին Լեռնային Ղարաբաղում ռազմական գործողություններ իրականացնելու համար՝ պնդելով, որ Ֆրանսիայի կառավարության դիրքորոշումը ճիշտ է, նույնիսկ եթե Բաքուն այն համարում է կողմնակալ՝ հօգուտ Հայաստանի։ «Ֆրանսիան Ադրբեջանի հետ խնդիրներ չունի, բայց Ադրբեջանը, կարծես, խնդիրներ ունի միջազգային իրավունքի հետ»,- ասել է Մակրոնը։Նրա խոսքով՝ դեռ չի եկել ժամանակը, որ Եվրոպան պատժամիջոցներ կիրառի Ադրբեջանի դեմ։ «Դրանք հակաարդյունավետ կլինեն եւ թույլ չեն տա լավագույնս պաշտպանել հայկական տարածքը եւ դրա բնակիչներին»,– հիմնավորել է Մակրոնը։Նրա խոսքով՝ ինքը «խորապես ափսոսում է», որ Ադրբեջանի նախագահ Իլհամ Ալիևը բաց է թողել բանակցություններին մասնակցելու և Հայաստանի վարչապետ Նիկոլ Փաշինյանի հետ հանդիպելու հնարավորությունը։ Չնայած դրան՝ Մակրոնը վստահեցրել է, որ «Եվրոպան շարունակում է ջանքերը՝ Ալիեւին բանակցային սեղանի շուրջ նստեցնելու ուղղությամբ», Մակրոնին մեջբերում է AFP-ն:
«Հրապարակ». Ինչո՞ւ ՀԱՊԿ-ում ներկայացուցիչ չի նշանակվում«Մեկ ամիս առաջ՝ սեպտեմբերի 5-ին, նախագահ Վահագն Խաչատուրյանի հրամանագրով Վիկտոր Բիյագովը հետ կանչվեց Հավաքական անվտանգության պայմանագրի կազմակերպությունում Հայաստանի Հանրապետության մշտական եւ լիազոր ներկայացուցչի պաշտոնից եւ Նիդերլանդների Թագավորությունում նշանակվեց ՀՀ արտակարգ եւ լիազոր դեսպան եւ Քիմիական զենքի արգելման կազմակերպությունում՝ ՀՀ մշտական ներկայացուցիչ։ Նրա նստավայրը Հաագայում է։ Այդ շրջանում Նիկոլ Փաշինյանը հայտարարեց ՀԱՊԿ-ից դուրս գալու իր ցանկության մասին, եւ արդեն 1 ամիս է, ինչ Հայաստանը ներկայացուցիչ չի նշանակում ՀԱՊԿ-ում, ինչը խորացնում է այդ կասկածները։ «Մեկ ամիս առաջ՝ սեպտեմբերի 5-ին, նախագահ Վահագն Խաչատուրյանի հրամանագրով Վիկտոր Բիյագովը հետ կանչվեց Հավաքական անվտանգության պայմանագրի կազմակերպությունում Հայաստանի Հանրապետության մշտական եւ լիազոր ներկայացուցչի պաշտոնից եւ Նիդերլանդների Թագավորությունում նշանակվեց ՀՀ արտակարգ եւ լիազոր դեսպան եւ Քիմիական զենքի արգելման կազմակերպությունում՝ ՀՀ մշտական ներկայացուցիչ։ Նրա նստավայրը Հաագայում է։ Այդ շրջանում Նիկոլ Փաշինյանը հայտարարեց ՀԱՊԿ-ից դուրս գալու իր ցանկության մասին, եւ արդեն 1 ամիս է, ինչ Հայաստանը ներկայացուցիչ չի նշանակում ՀԱՊԿ-ում, ինչը խորացնում է այդ կասկածները։ԱԳՆ-ից մեր հարցին ի պատասխան՝ ՀԱՊԿ-ում ներկայացուցիչ նշանակվե՞լ է, թե՞ ոչ, պատասխանեցին․ «Այս պահի դրությամբ՝ ոչ, երբ նշանակումը լինի, այդ մասին կտեղեկացնենք»։ ԱԳՆ խոսնակին հարցրինք՝ թեկնածո՞ւ չկա, թե՞ այլ պատճառ կա։ «Այս ընթացքում դեսպանների փոփոխություն էլի է տեղի ունեցել, ՀԱՊԿ-ում ներկայացուցիչը հետ է կանչվել, ինչպես մի քանի այլ տեղերից էլ, իսկ նոր նշանակման մասին կտեղեկացնենք, երբ լինի։ Ավել մեկնաբանություն այս պահին չունեմ»:
Նիկոլը հաստատ լավ չի հասկանում իրողությունները, երբ այս իրավիճակում սկսել է Արեւմուտք խաղալԱՄՆ նախկին նախագահ Դոնալդ Թրամփը հաջորդ շաբաթ կարող է գալ Կապիտոլիում և իրեն առաջարկել որպես Ներկայացուցիչների պալատի նոր նախագահ: Այս մասին պնդում է Politico-ն՝ վկայակոչելով Հանրապետական կուսակցության անանուն աղբյուրը։Եթե նման բան տեղի ունենա եւ հանկարծ Թրամփը դառնա խոսնակ, դա հաստատ մինչեւ «վերջին խազը» կսրի ներամերիկյան ճգնաժամը:Այս դեպքում Ուկրաինան հաստատ պետք է ստիպված լինի հրաժարվել ամերիկյան ֆինանսավորումը վերականգնելու բոլոր մտքերից: Առավել եւս, երբ հաշվի ենք առնում Washington Post-ի նոր պնդումը` Սպիտակ տունն այլևս չի փնտրում 24 միլիարդ դոլար լրացուցիչ ֆինանսավորում Կոնգրեսից Ուկրաինայի համար:Եվրոպան արդեն հայտարարել է` իր վրա եւս հույս չդնեն, եթե ԱՄՆ-ն Ուկրաինային փող չտա: Հաշվի առնելով նաեւ այն փաստը, որ Եվրոպայում սկսել են իշխանության գալ Ուկրաինայի օգնությունը լիովին դադարեցնել եւ ՌԴ-ի հետ հարաբերությունները վերականգնել պահանջող ուժերը, որի նախակարապետը դարձավ Սլովակիայի խորհրդարանի ընտրությունները: Մեծ Բրիտանիան այլևս չի կարող Ուկրաինային ռազմական տեխնիկա մատակարարել, իր հերթին պարզ հայտարարում է The Daily Telegraph-ը:Այս իրավիճակում քանի՞ շաբաթ Կիեւը կարող է կռվել. ամենահամարձակ արեւմտյան աղբյուրները 1.5 ամիսից ավել չեն տալիս:Իսկ ի՞նչ կլինի այդ իրավիճակում ուկրաինական պատերազմի վերջը. կարծես թե հասկանում են բոլորը:Չէ, բոլորը չէ, Նիկոլը հաստատ լավ չի հասկանում, երբ այս իրավիճակում սկսել է Արեւմուտք խաղալ: Նկատի ունենք ոչ թե Հայաստանի շահը, որի վրա նա պարզապես թքած ունի, այլ անձամբ իր անվտանգային հարցերը:
