Մամուլի տեսություն 14.10.2023

Չնայած ԱՄՆ-ի խիստ պատժամիջոցներին, Իրանին հաջողվել է մեծացնել նավթի արդյունահանումն ու ռազմավարական նշանակությամբ այս ապրանքի վաճառքը, և դեռևս ծրագրվում է մեծացնել նավթի արդյունահանման ծավալները:

Ջավան

Նոր ճակատի բացում՝ ի պատասխան  Գազայում էթնիկ զտումների

Մեկ շաբաթ շարունակվող ավիահարվածներից հետո, Գազայում հազարավոր մարդկանց սպանելուց և վիրավորելուց բացի, Սիոնիստական ​​ռեժիմը այժմ սեղանին է դրել այս տարածքը պաղեստինցիներից մաքրելու նախագիծը՝ զգուշացնելով այնտեղի բնակիչներին հնարավորինս շուտ լքել այս տարածքը. Գործողություն, որն իրականացվում է ցամաքային մուտքը Գազա հեշտացնելու և այն ամբողջությամբ օկուպացնելու նպատակով։ Միաժամանակ, Իրանի արտգործնախարարը Բեյրութ և Բաղդադ կատարած այցի ընթացքում հայտարարած երկու առանձին դիրքորոշումներում չի բացառել Իսրայելի դեմ նոր ճակատ բացելու հնարավորությունը։ Լիբանանի Հեզբոլլահի ղեկավարի տեղակալ Շեյխ Նաիմ Ղասեմը նույնպես հայտարարել է, որ մենք լիովին պատրաստ ենք և ամեն պահ հետևում ենք «Ալ-Աղսայի փոթորկի» մարտերին, և երբ ժամանակ գա, մենք անպայման քայլեր կձեռնարկենք։

Շարղ

Իրանի չմշակված նավթն ունի իր հաճախորդները. Իրանի նավթի նախարար

Իրանի նավթի նախարար Ջավադ Օջին ասել է. «Այսօր մենք արդյունահանում ենք ավելի քան 3,3 միլիոն բարել նավթ, նախատեսում ենք ավելացնել նավթի արդյունահանումը, որի համար հաճախորդներ ունենք նաև աշխարհում։ Այս ամենն արվել է պատժամիջոցների դաժան պայմաններում, և ԱՄՆ-ը ոչ միայն կանաչ լույս ցույց չի տվել, այլև այս ընթացքում ԱՄՆ-ն կիրառել է ևս 223 պատժամիջոցներ»։

Իրան

Իսրայելը թերագնահատել էր պաղեստինցիների ռազմական հզորությունը։

Եբրայերեն «Հաարեց» թերթը գրել է. «Ալ-Աղսայի մարտերում Սիոնիստական ​​ռեժիմի պարտությունը հազար անգամ ավելի վտանգավոր է, քան 1973 թվականի հոկտեմբերյան պատերազմի պարտությունը»:

Բենիամին Նեթանյահուի կաբինետը բարձիթողի է մատնել իսրայելցիներին. Չնայած կային նախազգուշացումներ էսկալացիայի հնարավորության մասին, սակայն Նեթանյահուն անտեսեց դրանք։

Իսրայելի պաշտոնյաները թերագնահատել են պաղեստինցիների ռազմական ուժն ու հզորությունը։

Դոնյայե Էղթեսադ

ԱՄՆ Կոնգրես. Մենք պետք է պատրաստվենք Ռուսաստանի և Չինաստանի դեմ պատերազմի

ԱՄՆ Կոնգրեսի Ռազմական և Ռազմավարական իրավիճակի հանձնաժողովը զեկույցում նշել է, որ Վաշինգտոնը պետք է պատրաստվի Չինաստանի և Ռուսաստանի դեմ պատերազմի։

  Այս զեկույցում նշվում է, որ Վաշինգտոնը պետք է անհապաղ թարմացնի միջուկային և սովորական սպառազինությունների իր զինանոցը։

  Կոնգրեսի այս հանձնաժողովը հստակեցրել է. «Միացյալ Նահանգները և նրա դաշնակիցները պետք է պատրաստ լինեն միաժամանակ զսպելու և հաղթելու այս երկու թշնամիներին»։

Այս զեկույցի մեկ այլ մասում ասվում է. «ԱՄՆ-ի վերահսկողության տակ գտնվող միջազգային կարգը և նրա արժեքները վտանգված են Չինաստանի և Ռուսաստան կողմից»:

News.am

Կարևոր է, որ Հայաստանն ու Ադրբեջանը հավատարիմ մնան Դրական օրակարգին. Տոյվո Կլաար

Հարավային Կովկասում Եվրամիության հատուկ ներկայացուցիչ Տոյվո Կլաարը հայտնել է, որ Երևանում և Բաքվում քննարկել է համապարփակ կարգավորմանն ուղղված հաջորդ քայլերը:

 «Արմենպրես»-ի փոխանցմամբ՝ Կլաարն այս մասին տեղեկացրել է X-ի իր միկրոբլոգում:

«Վերադարձ Բաքվից և Երևանից, որտեղ քննարկեցի համապարփակ կարգավորմանն ուղղված հաջորդ քայլերը։ Ադրբեջանի և Հայաստանի համար կարևոր է հավատարիմ մնալ դրական և համաձայնեցված օրակարգին: Ակնկալվում է, որ այս ներգրավվածությունը կհաստատվի այս ամսվա վերջին Բրյուսելում կայանալիք բարձր մակարդակի հանդիպման ժամանակ»,-նշել է նա:

Armenpress.am

ՀՀ նախագահը ստորագրել է Հռոմի ստատուտը վավերացնելու մասին օրենքը

Հայաստանի Հանրապետութան նախագահ Վահագն Խաչատուրյանը ստորագրել է 1998 թվականի հուլիսի 17-ին ստորագրված` Միջազգային քրեական դատարանի՝ Հռոմի կանոնադրությունը վավերացնելու և կանոնադրության 12-րդ հոդվածի 3-րդ մասի հիմքով «Հայաստանի Հանրապետության կողմից միջազգային քրեական դատարանի իրավազորությունը հետադարձորեն ճանաչելու մասին» հայտարարություն ընդունելու մասին օրենքը:

«Արմենպրես»-ն այս մասին տեղեկանում է ՀՀ նախագահի պաշտոնական կայքից:

ՀՀ Ազգային ժողովը Հռոմի կանոնադրությունը (Հռոմի ստատուտ) վավերացրել է հոկտեմբերի 3-ին՝ 60 կողմ, 22 դեմ ձայներով:

Ավելի վաղ Սահմանադրական դատարանը ճանաչել էր սահմանադրությանը համապատասխանող 1998 թվականի հուլիսի 17-ին ստորագրված՝ Միջազգային քրեական դատարանի Հռոմի կանոնադրությունում ամրագրված պարտավորությունները։ 2022 թվականին այս հարցով Սահմանադրական դատարան էր դիմել Կառավարությունը։

Panorama.am

Ալիևը առաջ է շարժվում՝ Հարավային Հայաստանը զավթելու իր նպատակին հասնելու համար. Փալոնե

Ամերիկացի կոնգրեսական Ֆրենկ Փալոնեն կոչ է արել ԱՄՆ պետդեպարտամենտին կոնկրետ միջոցներ ձեռնարկել Ադրբեջանի դեմ, ներառյալ պատժամիջոցները։

«Ալիևը առաջ է շարժվում՝ Հարավային Հայաստանը զավթելու իր նպատակին հասնելու համար։ Որևէ կասկած չկա, որ նրա վարչակարգը համարձակություն է ստացել այն բանից հետո, երբ հանդիպել է Արցախ ներխուժման չնչին հետևանքների։

Ես կոչ եմ արել պետդեպարտամենտին կոնկրետ միջոցներ ձեռնարկել Ադրբեջանի դեմ, ներառյալ պատժամիջոցները»,- գրել է նա Х-ի իր միկրոբլոգում։

Armenpress.am

Ուժի կիրառումն անընդունելի է, Երևանի և Բաքվի ուղիղ երկխոսությունը կարևոր է. ԱՄՆ պետքարտուղարություն

Ամերիկայի Միացյալ Նահանգներն անընդունելի է համարում ուժի կիրառումը՝ ընդգծելով Երևանի և Բաքվի ուղիղ երկխոսության անհրաժեշտությունը՝ հակամարտության կարգավորման համար:

«Արմենպրես»-ի փոխանցմամբ՝ ԱՄՆ պետքարտուղարությունը պատասխանել է «Ամերիկայի ձայնի» հայկական ծառայության հարցմանը՝ կապված Politico հանդեսում լույս տեսած «Բլինքենը զգուշացրել է օրենսդիրներին, որ Ադրբեջանը կարող է ներխուժել Հայաստան առաջիկա շաբաթներին» վերնագրով հրապարակման հետ:

Ի պատասխան՝ պետքարտուղարությունն ընդգծել է, որ «Միացյալ Նահանգները շարունակում է համագործակցել Ադրբեջանի և Հայաստանի առաջնորդների հետ ամենաբարձր մակարդակներում՝ ձգտելով արժանապատիվ և տեւական խաղաղությանը, որտեղ հարգվում են բոլորի իրավունքները: Ուժի կիրառումն անընդունելի է, և ուղիղ երկխոսությունը կարևոր նշանակություն ունի այս երկարատև հակամարտության կարգավորման համար», նշված է պետքարտուղարության պատասխանի մեջ։

Ամերիկյան արտաքին քաղաքական գերատեսչությունը նաև նշել է, որ «ԱՄՆ-ն աջակցում է Հայաստանի կառավարության ջանքերին՝ մարդասիրական կազմակերպությունների հետ սերտ համագործակցությամբ օգնելու տեղահանվածներին ապաստան և հարմարավետություն գտնել Հայաստանում։ Մենք մեր կարեկցանքն ենք հայտնում տեղահանված անձանց՝ գիտակցելով, թե ինչ շոկի և տրավմայի միջով են նրանք անցնում, և ինչ անորոշության հետ են բախվում»:

Պետքարտուղարությունը նաև հավելել է, որ Բաքուն պատասխանատվություն է կրում խաղաղ բնակիչներին պաշտպանելու և բոլորի նկատմամբ մարդկային վերաբերմունք ապահովելու համար, ներառյալ նրանց, ում կասկածում է ռազմական գործողությունների մասնակցության մեջ:

«Ադրբեջանը նաև պատասխանատու է, որ իր [զինված] ուժերը համապատասխանեն միջազգային իրավունքին, ներառյալ միջազգային մարդասիրական իրավունքի, որը կարգավորում է ռազմական գործողությունների իրականացումը, խաղաղ բնակչության պաշտպանությունը և ռազմական գործողությունների մասնակիցների նկատմամբ մարդասիրական վերաբերմունքը», ասված է «Ամերիկայի ձայնի» հայկական ծառայությանն ուղղված պետքարտուղարության պատասխանում:

News.am

Հայաստանը պետք է ընտրություն կատարի համագործակցության եւ տարածքային հավակնությունների միջեւ. Բայրամով

Ադրբեջանի արտաքին գործերի նախարար Ջեյհուն Բայրամովը կարծում է, որ Հայաստանը «պետք է ընտրություն կատարի տարածաշրջանային համագործակցության եւ հարեւաններին ներկայացվող չհիմնավորված տարածքային հավակնությունների միջեւ», տեղեկացրել է «Интерфакс-Азербайджан»-ը։

«Ներկա պահին Հայաստանը պետք է ընտրություն կատարի տարածաշրջանային համագործակցության եւ հարեւաններին ներկայացվող անօրինական, չհիմնավորված տարածքային հավակնությունների միջեւ»,- ասել է Բայրամովը Բաքվում ընթացող «Հայրենիքին, ժողովրդին եւ պետականությանը 10 տարվա աննախադեպ ծառայություն» համաժողովում ունեցած ելույթում։

Նրա խոսքով՝ «միջազգային հանրության դերը այս հարցում եւս մեծ նշանակություն ունի»։

«Չափազանց կարեւոր է, որպեսզի Հայաստանի ռեւանշիստական փորձերը որեւէ կերպ չաջակցվեն, ինչպես նաեւ արվեն կոչեր այս տարածաշրջանում բարգավաճման եւ խաղաղության այլընտրանքի բացակայության մասին»,- ասել է Բայրամովը։