Օլանդ.«Ղարաբաղյան հակամարտությունը պետք է կարգավորել ԼՂ-ի ինքնորոշման սկզբունքով»
Ֆրանսիայի նախագահ Ֆրանսուա Օլանդն ասել է.«Ղարաբաղյան հակամարտությունը պետք է կարգավորել ԼՂ-ի ինքնորոշման սկզբունքով»:
Ֆրանսիայի հայկական կազմակերպությունների համակարգող խորհրդի ամենամյա ճաշկերույթի ընթացքում Ֆրանսիայի նախագահ Ֆրանսուա Օլանդը նշել է«Մարտերը դադարեցվել են, երկխոսություն է սկսվել, հրադադար է հաստատվել, սակայն մենք չենք կարող բավարարվել հրադադարով, քանի որ դա լուծում չէ: Մենք պետք է հակամարտության կարգավորման համար իրական բանակցություններ սկսենք: Մեծ սխալ կլինի կարծել, թե իրավիճակը կայունացել է։ Այս հարցում Ֆրանսիան առանձնահատուկ պատասխանատվություն ունի՝ որպես Մինսկի խմբի համանախագահ երկիր Ռուսաստանի և ԱՄՆ-ի հետ մեկտեղ»․ հավելել է Օլանդը:
Ֆրանսիան որպես Մինսկի խմբի համանախագահներից մեկը կարևոր դերակատարություն ունի Ղարաբաղյան հակամարտությանը վերջ տալու հարցում: Այնուամենայնիվ Ֆրանսիան և Մինսկի խմբի մյուս համանախագահները հակամարտությանը վերջ տալու համար ոչ միայն չեն կարողացել դրական քայլ կատարել, այլև չեն կարողացել նվազեցնել լարվածությունները: Այդ հակասական հայտարարությունների պատճառը երկակի դիրքորոշումներն են և տարածաշրջանի իրական պահանջներին ուշադրություն չդարձնելը:
Ի դեպ, Մինսկի խմբի համանախագահների նախագծերը, որոնք հիմնականում ներկայացվել են 1995-1996 թթ.-ին հարուցել են երկու թշնամի երկրների բացասական հակազդեցությունները: Իրականում պետք է ասել, որ Մինսկի խմբի համանախագահները ավելի քիչ ուշադրություն են դարձրել Ղարաբաղյան հակամարտության կարգավորմանն ուղղված կառուցողական մեխանիզմներին: Նրանք, փաստորեն, առաջնային տեղ են հատկացրել իրենց շահերի ապահովմանը: Այդ իրողություններից անկախ, հակամարտ կողմերից մեկին ուղղված Մինսկի խմբի համանախագահների միակողմանի հովանավորությունը կխոչընդոտի Ղարաբաղյան հակամարտության կարգավորմանը:
Նման պայմաններում այս հարցը առաջ քաշելով Օլանդը փորձել է նոր շունչ հաղորդել Ղարաբաղյան հակամարտությանը: Ֆրանսուա Օլանդը, խոսելով այդ տարածքի ինքնորոշման հիման վրա հակամարտության կարգավորման մասին, փաստորեն նոր առաջարկ է ներկայացրել, որը հակադրվում է Ադրբեջանի դիրքորոշմանը և համապատասխանում հայերի ցանկություններին:
Իրականում Մինսկի խմբի համանախագահները հարավային Կովկասում խաղաղ նախագծեր ներկայացնելով մշտապես երկակի ու հակասական դիրքորոշմամբ են հանդես եկել: Այդիսկպատճառով ավելի քան երկու տասնամյակ անցնելուց հետո, ավելի է բարդացել Ղարաբաղյան հակամարտության կարգավորումը: Այդ առաջարկին զուգընթաց Ֆրանսիայի նախագահն ընդգծել է Մադրիդյան սկզբունքերի իրագործման անհրաժեշտությունը: «Մենք պետք է անդրադառնանք հակամարտության կարգավորման տարրերին, որոնք արձանագրված են Մադրիդյան սկզբունքներում: Մենք գիտենք նաև, որ երբ վերջիններս կիրառվեն, դրանք պետք է հիմնվեն Լեռնային Ղարաբաղի ինքնորոշման վրա»․ շեշտել է Ֆրանսուա Օլանդը: Հայաստանը Մադրիդյան սկզբունքներին դեմ է, իսկ Ադրբեջանը կողմ: Համենայնդեպս Ֆրանսիայի նախագահի հայտարարությունները պետք է գնահատել Հարավային Կովկասում հակասական դիրքորոշումներ որդեգրելու եվրոպական պետությունների քաղաքականությունների շարունակման շրջանակում: