Թրամփը մոլորվել է միջինարևելյան հարցերում
Միջին Արևելքում ամերիկացիների քաղաքականությունը մշտապես ուղեկցվել է չարակամությամբ: Վերջին տարիներին մասնավորապես ԱՄՆ-ը սարսափից, լարվածությունից, խառնաշփոթից ու դավադրությունից բացի, տարածաշրջանի համար ոչ մի դրական քայլ չի արել: Թեև ԱՄՆ-ի բոլոր նախագահները հայտարարել են այդ կարևոր տարածաշրջանում ժողովրդավարություն հաստատելու իրենց ցանկության մասին:
Սակայն այսօր առավել քան մյուս խնդիրներն, ուշադրության արժանի են ԱՄՆ նախագահի հայտարարությունները , որոնք բացահայտում են Միջին Արևելքում ԱՄՆ քաղաքականությունները: Օրինակ Արաբիայի նկատմամբ արած քայլը, որտեղ այդ երկիրը նմանեցվել էր կաթնատու կովի: Դա հենց վերջին տարիների ԱՄՆ քաղաքականության բանաձևն է եղել:
Այսօր ամերիկյան ԶԼՄ-ները խոստովանել են, որ ոչ երկրի կառավարությունը, ոչ էլ հենց Թրամփն անձամբ, իրենց հայտարարություններով, Միջին Արևելքի հետ կապված որոշակի ու հստակ քաղաքականություն չունեն : Washington Post օրաթերթը վերջերս գրել էր, որ Թրամփը Միջին Արևելքի համար ոչ մի ծրագիր չունի: Թրամփի նախագահության շրջանից 11 ամիս անց, այդ երկրի արտաքին քաղաքականությունը մի շարք խոչընդոտների է բախվել, այդ թվում՝ Սիրիայի դեմ միակողմանի հարձակումը, ՀԳՀԾ-ին Իրանի հավատարմության չհաստատումը, Ղոդսը որպես Իսրայելի ռեժիմի մայրաքաղաք ճանաչելը: Այս բոլորը բերել են տարածաշրջանում այդ երկրի դեմ նոր կոալիցիայի ձևավորման և ԱՄՆ-ի դաշնակիցների ու աշխարհի մյուս երկրների մոտ այդ երկրի նկատմամբ վստահության խիստ նվազման:
Ամերիկյան Washington Post օրաթերթի գրությամբ ՝ Թրամփի կառավարության արտաքին քաղաքականությունն իրականացվել է սխալ քայլերով: Արդյունքում ձևավորվել է Ռուսաստան-Իրան, այլ ոչ թե ԱՄՆ-Իսրայել :կոալիցիան:
Թուրքիայում ԱՄՆ նախկին դեսպան Էրիկ Ադելմենն ասել է .«Տարածաշրջանում Թրամփի քաղաքականությունը հիմնված է եղել տարբեր հռետորաբանությունների վրա, սակայն իրականում դա հենց նախկին նախագահների քաղաքականությունն է»:
Քաղաքագետները զգուշացրել են, որ այսօր Միջին Արևելքում ԱՄՆ շահերին ուղղված են երկու գլխավոր սպառնալիքներ՝ տարածաշրջանում Իրանի աճող ազդեցությունը և ծայրահեղականներին ամերիկացիների օգնությունները, որոնք տարածաշրջանում ճգնաժամերի են հանգեցրել: Իսկ Թրամփը չի ընկալում այդ վտանգի մեծությունը: Նախագահի թիմը նրան չի ներկայացրել տարածաշրջանի իրավիճակի լրջությունը և կարևորությունը:
Պետք է ասել, որ Թրամփի արտաքին քաղաքականությունը գնալով մեծացնում է տարածաշրջանային լարվածությունը: Այդ քաղաքականությունը նպատակ ունի վերահսկել Իրանի ազդեցությունը: Այնպես, որ կառավարությունն էլ հնարավորություն ունենա ուղղակիորեն ռազմական ներկայություն ունենալ տարածաշրջանում և Իրանի դեմ տնտեսական քայլեր իրականացնել:
Նման հանգամանքներում, տարածաշրջանի խաղաղությունը խորը ճգնաժամի է մատնվելու և պետությունների ստրատեգիական սխալները կարող են Միջին Արևելքում պատերազմի հանգեցնել: Տարածաշրջանում իրավիճակն ավելի բարդացավ այն բանից հետո, երբ Թրամփը Ղոդսը հայատարարեց Սիոնիստական ռեժիմի մայրաքաղաքը: