Իսրայելական բանակը սխալմամբ խոցել է սեփական ԱԹՍ-ն
Փետրվար 14, 2022 04:55 Asia/Tehran
Սիոնիստական ռեժիմի լրատվամիջոցները հայտնել են, որ ռեժիմի բանակը Լիբանանի սահմանի մոտ սխալմամբ խոցել է իսրայելական ԱԹՍ:
«Ալ-Մայադին» հեռուստաընկերության հաղորդման համաձայն՝ իսրայելական բանակը հայտարարել է, որ Լիբանանի սահմանին սխալմամբ խոցել է իսրայելական ԱԹՍ:
Իսրայելի Channel 14 հեռուստատեսությունը նույնպես հաղորդել է, որ միջադեպը տեղի է ունեցել այն ժամանակ, երբ օկուպացիոն ռեժիմի բանակը նկատել է երկնքում շարժվող անհայտ թռչող սարք և խոցել այն, ենթադրելով որ հրթիռը պատկանում է Դիմադրության ուժերին:
Նման միջադեպ տեղի էր ունեցել նաև անցած ամիս: Իսրայելական լրատվամիջոցները հայտնել էին, որ բանակի ուժերը սխալմամբ բախվել են միմյանց հետ, ինչի հետևանքով սպանվել են երկու հրամանատարներ: