Հաքերները բացահայտել են Թուրքիայի ոստիկանության ուժերի մոտ պահվող տեղեկությունները
«Անծանոթ հաքերներ»-ի խումբը երեքշաբթի օրը հրապարակելով Թուրքիայի ոստիկանության ուժերի մոտ պահվող գաղտնի տեղեկությունները, հայտարարել է, թե այդ քայլին դիմել է կոռուպցիայի դեմ պայքարի նպատակով:
Cthulhu կեղծանվամբ հաքերն այն պայմաններում է բացահայտել Թուրքիայի ոստիկանության ուժերի մոտ պահվող տեղեկությունները, երբ ընդամենը երկու ամիս առաջ «Անծանոթ հանքերներ»-ի խումբը «ԻԼԻՊ-ի հետ Անկարայի կապերի» պատճառով կիբերային հարձակման թիրախ դարձրեց Թուրքիայի պետական կայքէջերը:
Հրապարակված տեղեկություններն ամփոփված են 2.8 GB ծավալով խտացված մի ֆայլի և 17.8 GB ծավալով չխտացված մի քանի ֆայլերի մեջ:
Cthulhu-ն հավակնել է, որ այս տեղեկություններն ստացել է մի ուրիշ հաքերից, ով վերջին երկու տարիների ընթացքում լիարժեք հասանելիություն է ունեցել Թուրքիայի պետական տարբեր բաժիններին:
«Անծանոթ հաքերներ»-ի խումբն անցած դեկտեմբերին մեկ շաբաթ տևողությամբ հարձակումներ իրականացրեց Թուրքիայի սերվերների դեմ և հայտարարեց, որ այդ հարձակումները շարունակելու է մինչև այնքան ժամանակ, երբ Անկարան չի հրաժարվել ԻԼԻՊ-ին պաշտպանելուց: Այդ կիբերային հարձակման ժամանակ խափանվեց Թուրքիայում գործող 400 հազար կայքէջերի աշխատանքը:
