Դիարբեքիրում կրկին թուրք զինվոր է սպանվել

Թուրքիայի Զինված ուժերի գլխավոր շտաբը հայտարարություն է տարածել Դիարբեքիրի Սուր գավառում հերթական զոհի մասին:

Այս մասին տեղեկացնում է թուրքական «Հուրիեթ» պարբերականը:

ԶՈՒ գլխավոր շտաբի հայտարարության համաձայն՝ Քրդական բանվորական կուսակցության (PKK) անդամների հարձակման հետևանքով ծանր վիրավորվել է մեկ զինվոր, ով անմիջապես հոսպիտալացվել է: Չնայած բժշկական միջամտությանը՝ զինվորի կյանքը փրկել չի հաջողվել:

Դիարբեքիրի Սուր գավառում 2016 թվականի դեկտեմբերի 2-ից հայտարարված է փողոց դուրս գալու արգելք:

galatv.am

23/2/2016