ԱՄՆ-ն շարունակում է Սիրիայում իր ոտնձգությունները
ԱՄՆ բանակը շարունակելով Սիրիայի դեմ ոտնձգությունը, նոր հարձակում է իրականացրել այդ երկրի հարավային Ալ-Թանֆի տարածքում տեղակայված և կառավարության պաշտպանության տակ գտնվող ուժերի դիրքերի վրա:
ԻՌՆԱ-ն հղում կատարելով «Սքայ Նյուզ» հեռուստաընկերությանը հայտարարել է, որ ամերիկյան կոալիցիայի ուժերը հարձակում են իրականացրել Ալ-Թանֆի սահմանային տարածքում Սիրիայի կառավարության պաշտպանության տակ գտնվող ուժերի դիրքերի վրա:
Չնայած նախազգուշացումներին, ԱՄՆ-ի բանակը հայտարարել է, որ Սիրիայի կառավարության պաշտպանության տակ գտնվող ուժերը մի քանի տանկերով, զինտեխնիկայով ու տասնյակ զորայինների ընկերակցությամբ մտել են Ալ-Թանֆի տարածքը: Որոշ ամերիկյան աղբյուրներ տեղեկացրել են առնվազն 60 հոգու զոհվելու և վիրավորվելու մասին:
Ամերիկյան կոալիցիայի ռազմական ինքնաթիռները մայիսի 18-ին հարձակում էին իրականացրել Սիրիայի հարավային անապատներում տեղակայված` այդ երկրի ու նրա դաշնակիցների ուժերի վրա, որի հետևանքով զոհվել էին մի քանի սիրիացի զորայիններ:
