Մադուրո. Վենեսուելան զորավարժություն է անցկացնում` իր տարածքը պաշտպանելու համար
Վենեսուելայի նախագահը հայտարարել է, որ Կոլումբիայի սահմանին զորավարժության նպատակը երկրի տարածքի պաշտպանությունն է:
Նիկոլաս Մադուրոն ընդգծել է, որ այդ երկրի կառավարությունն ու բանակը լիովին պատրաստ են պաշտպանելու Վենեսուելայի քաղաքացիներին: Նա ասել է.«Կոլումբիայի սահմանի մոտ զորավարժություններն ընթանում են Վենեսուելայի տարածքը պաշտպանելու համար և չեն սպառնում այլ երկրներին»:
Վենեսուելայի նախագահը հավելել է, որ եթե պետք է զենքով պաշտպանել այդ երկրի քաղաքացիներին, ապա բանակը պատրաստ է դրան:
Վենեսուելայի կառավարությունը Կոլումբիային մեղադրել է այդ երկրի կառավարությանն ընդդիմանալու նպատակով զինված խմբավորման ստեղծման մեջ, և ասել, որ այդ կապակցությամբ նամակ կուղարկի ՄԱԿ-ի Անվտանգության խորհրդին:
Վենեսուելան ԱՄՆ-ի կառավարությանը մեղադրում է այդ երկրի արևմտամետ ընդդիմության աջակցության և Լատինական Ամերիկայում աճող լարվածություն առաջացման մեջ:
