Ֆրանսիացի ֆերմերները փակել են մի քանի կարևոր ճանապարհներ

Ի նշան բողոքի կառավարության գործունեության դեմ, ֆրանսիացի ֆերմերները որոշ քաղաքներում փակել են խոշոր ճանապարհները:

Ֆերմերները բողոքում են իրենց վատ տնտեսական պայմանների և կառավարության կողմից դրսևորվող անփութության դեմ:

Բողոքի ցույցը մեկնարկել է երեքշաբթի օրը: Ցուցարարները հավաքվել են մայրուղիների մոտ, փակելով ճանապարհները և բողոքում են ազատ առևտրի պայմանագրի և պաշտոնյաների անփութության դեմ:

Լիոն քաղաքում տեղի ունեցած ցույցի մասնակից երկու հարյուր ֆերմերներ, տրակտորներով փակել են ճանապարհները:

Բողոքի ցույցերը խցանումներ են առաջացրել որոշ ճանապարհների վրա:

Ֆրանսիացի ֆերմերները խիստ քննադատության են ենթարկել Եվրամիության և հարավամերիկյան երկրների միջև ստորագրված «Մերկոսուր» ազատ առևտրի  համաձայնագիրը: