Ֆրանսիան զգուշացնում է ԱՄՆ-ին առևտրային պատերազմի սրման կապակցությամբ
Ֆրանսիայի ֆինանսների նախարար Բրյունո լե Մերն անընդունելի է համարել որոշ եվրոպական ապրանքների վրա նոր մաքսատուրքեր սահմանելու վերաբերյալ ԱՄՆ-ի հնչեցրած սպառնալիքը, ասելով.«Եվրամիությունը պատրաստ է պատասխանել այդ սպառնալիքին»:
Ինչպես հաղորդում է ԻՌՆԱ լրատվական գործակալությունը, Ֆրանսիայի ֆինանսների նախարարը հավելել է. «Դաշնակցի կողմից նման սպառնալիքը սպասելի չէ»:
ԱՄՆ նախագահ Դոնալդ Թրամփի կառավարությունը, գործ բացելով Ֆրանսիայում Ավստրիայում, Թուրքիայում և Իտալիայում թվային ընկերությունների հարկային օրենքների դեմ, սպառնացել է, որ ի աջակցություն ԱՄՆ-ի տեխնոլոգիական խոշոր ընկերությունների, մաքսատուրք կսահմանի Ֆրանսիայից ներմուծվող ապրանքների վրա:
Թրամփի կառավարությունը հայտարարել է.«Քանի որ Ֆրանսիայի կողմից թվային ծառայությունների վրա սահմանված մաքսատուրքերը վնասում են ամերիկյան Google, Facebook, Apple և Amazon ընկերություններին, Վաշինգտոնը ցանկանում է 100 տոկոսանոց հարկ սահմանել ֆրանսիայից ներմուծվող երկու միլիարդ 400 միլիոն դոլար արժողությամբ ապրանքների վրա»:
