Ռուսաստան.«Մոսկվային մտահոգում է ԱՄՆ-ի կողմից արգելված հրթիռների փորձարկումը»
Ռուսաստանի կառավարությունն արձագանքելով օրերս ամերիկյան բալիստիկ հրթիռի փորձարկմանը, իր մտահոգությունն է հայտնել Վաշինգտոնի կողմից արգելված հրթիռների փորձարկման կապակցությամբ:
Ռուսաստանի ԱԳՆ սպառազինությունների չտարածման և վերահսկողության բաժնի տնօրեն Վլադիմիր Երմակովը հայտարարել է.«Մոսկվան հսկողության տակ կառնի INF պայմանագրով արգելված բալիստիկ հրթիռների փորձարկումը»:
Ռուս պաշտոնյան ասել է.«ԱՄՆ-ն դա անելու իրավունք ունի, քանի որ միակողմանիորեն դուրս է եկել Միջին և փոքր հեռահարության հրթիռների ոչնչացման պայմանագրից (INF), բայց արգելված հրթիռները, որոնք փորձարկվել են պայմանագիրը լքելուց մի քանի ամիս առաջ, վկայում են այն մասին, որ Վաշինգտոնը երկար ժամանակ է, որ մտադիր է զարգացնել այդ հրթիռները»:
Միացյալ Նահանգները հինգշաբթի օրն իրականացրել է վերգետնյա բազավորման բալիստիկ հրթիռի փորձարկում, ինչն անհնար էր, քանի դեռ գործում էր Միջին և փոքր հեռահարության հրթիռների ոչնչացման պայմանագիրը:
