Բայդենը և Աշրաֆ Ղանին քննարկել են Աֆղանստանից ամերիկացիների հեռանալու հարցը
Աֆղանստանի նախագահ Մոհամմադ Աշրաֆ Ղանին հեռախոսազրույց է ունեցել իր ամերիկացի գործընկեր Ջո Բայդենի հետ՝ Աֆղանստանից ամերիկյան զորքերը դուրս բերելու հարցով:
ԻՌՆԱ-ի հաղորդմամբ; չորեքշաբթի օրը, Աշրաֆ Ղանին իր թվիթերյան միկրոբլոգում հայտարարել է, որ Բայդենի հետ քննարկել է մինչև սեպտեմբերի սկիզբ Աֆղանստանից ամերիկյան զորքերը դուրս բերելու վերջինիս որոշումը:
Նա նշել է, որ Աֆղանստանը հարգում է Վաշինգտոնի որոշումը և կաշխատի նրանց հետ՝ գործընթացը սահուն իրականացնելու ուղղությամբ:
ԱՄՆ նախագահ Ջո Բայդենը չորեքշաբթի օրը հայտարարեց Աֆղանստանից ամերիկյան զորքերը դուրս բերելու որոշման մասին:
«ԱՄՆ-ը կաջակցի Աֆղանստանի կառավարությանը, բայց չի մասնակցի ռազմական գործողություններին», - ասել է նա:
Ավելի վաղ, «Թալիբան» շարժումը նախազգուշացրել էր, որ եթե օտարերկրյա ուժերը սահմանված ժամկետում չլքեն Աֆղանստանը, խումբը դա կհամարի Դոհայի համաձայնագրի խախտում և կվերսկսի հարձակումներն ամերիկյան ուժերի վրա:
