Ռուսաստանն անընդունելի է համարում տարածաշրջանում ԱՄՆ ռազմական ներկայությունը

Աֆղանստանի հարցերով Ռուսաստանի նախագահի հատուկ բանագնացը անընդունելի է համարել տարածաշրջանում ԱՄՆ ռազմական ներկայությունը:

 Զամիր Քաբուլովը շաբաթ օրը հայտարարել է, որ Աֆղանստանից ամերիկյան զորքերի դուրսբերումը չպետք է հանգեցնի տարածաշրջանում ԱՄՆ զորուժի վերաբաշխմանը և Կենտրոնական Ասիայի երկրներում, ինչպես նաև Իրանի հարևանությամբ գտնվող տարածքում բազաների ստեղծմանը:

Աֆղանստանի հարցերով ՌԴ նախագահի հատուկ բանագնացը հավելել է,  որ Ռուսաստանն արդեն իսկ դեմ է արտահայտվել տաևրածաշրջանում ամերիկյան ուժերի վերաբաշխմանը և ռազմաբազայի հիմնմանը:

Աֆղանստանում 20 տարվա ռազմական ներկայությունից հետո, Միացյալ Նահանգները հայտարարեց, որ մինչև 2021 թվականի սեպտեմբերի 11-ն իր ուժերը դուրս կբերի այդ երկրից: