Ֆրանսիայի և Չինաստանի ԱԳ նախարարները քննարկել են իրավիճակը Լեռնային Ղարաբաղում
Օգոստոս 20, 2023 16:11 Asia/Tehran
Ֆրանսիայի արտաքին գործերի նախարար Կատրին Կոլոնան և Չինաստանի Ժողովրդական Հանրապետության ԱԳ նախարար Վանգ Յին հեռախոսազրույց են ունեցել և քննարկել են իրավիճակը Լեռնային Ղարաբաղում։ Այս մասին հայտնում է Ֆրանսիայի արտաքին գործերի նախարարությունը։
Նշվում է, որ, ի թիվս այլ երկկողմ և բազմակողմ համագործակցությանն առնչվող հարցերի, Ֆրանսիայի և Չինաստանի արտաքին գերատեսչությունների ղեկավարները քննարկել են իրավիճակը Լեռնային Ղարաբաղում, Ուկրաինայում և Նիգերում։
Լաչինի միջանցքը՝ Լեռնային Ղարաբաղը Հայաստանին կապող միակ ճանապարհը, Ադրբեջանի կողմից արգելափակված է 2022 թվականի դեկտեմբերից:
Այս տարվա փետրվարին Արդարադատության միջազգային դատարանը Ադրբեջանից պահանջել էր բացել Լաչինի միջանցքը: