Ողբերգություն Վրաստանում. ռեստորանում 12 մարդու դիակ է հայտնաբերվել
Դեկտեմբեր 15, 2024 04:19 Asia/Tehran
Վրաստանի Գուդաուրի ձմեռային հանգստավայրում 12 մարդ է մահացել։ Տեղեկությունը հայտնում է Spunik Գրուզիան՝ հղում անելով Վրաստանի ներքին գործերի նախարարությանը։
Դիակները հայտնաբերվել են հնդկական ռեստորանի երկրորդ հարկի ննջարանում։
Մահացածներից մեկը Վրաստանի քաղաքացի է, մյուսները՝ օտարերկրացիներ, որոնք ենթադրաբար ռեստորանի աշխատակիցներ են եղել:
Նախնական վարկածով՝ զանգվածային մահվան պատճառը շմոլ գազն է եղել։
Դիակների վրա բռնության հետքեր չեն հայտնաբերվել։ Սակայն ննջասենյակների մոտ գտնվող փակ տարածքում հայտնաբերվել է գեներատոր, որը, նախնական տվյալներով, միացրել են, երբ անջատվել է էլեկտրաէներգիան։ Դեպքի վայրում աշխատում են քրեագետները։