Իրանը Եվրոպային զգուշացրել է, որ «Ձգանի մեխանիզմի» գործարկումը կարժանանա վճռական պատասխանի
ՄԱԿ-ում ԻԻՀ դեսպան ու ներկայացուցիչը հայտարարել է, որ Թեհրանը հավատարիմ է դիվանագիտությանն ու երկխոսությանը և զգուշացրել Եվրոպային, որ «Ձգանի մեխանիզմի» գործարկումը կարժանանա վճռական պատասխանի։
Հղում անելով ԻՌՆԱ-ին, «Սահաբ» գործակալությունը հաղորդում է, որ երեքշաբթի օրը կայացած ԱԽ նիստում, Ամիր Սաիդ Իրավանին խոսել է 2231 բանաձևի և ՀԳՀԾ-ի գործարկման մասին:
Նա ասել է․ «Իրանը կտրականապես մերժում է եվրոեռյակի «Ձգանի մեխանիզմի» գործարկման հետ կապված ցանկացած սպառնալիք»։
Նշելով, որ այս մեխանիզմը գործիք չէ, որով հնարավոր է սպառնալ Իրանին, Իրավանին հավելել է․ «Իրանը հստակ հայտարարել է, որ նման սադրիչ գործողությունը կարժանանա վճռական ու համաչափ պատասխանի»։
Նրա խոսքով․ «Չնայած անհիմն մեղադրանքներին և եվրոեռյակի ու ԱՄՆ-ի ցանկությանը՝ գործարկել այս մեխանիզմը, Իրանը շարունակելու է իր պարտավորությունների շրջանակում համագործակցությունը ՄԱԳԱՏԷ-ի հետ»։
Իրավանին նաև ասել է․ «ՄԱԳԱՏԷ-ի Կառավարիչների խորհրդի վերջին նիստում հակաիրանական բանաձևի հաստատումը, չնայած նոյեմբերին գործակալության գլխավոր տնօրենի Թեհրան կատարած կառուցողական և արդյունավետ այցին, ցույց է տալիս, որ եվրեեռյակն ու ԱՄՆ-ն փորձում են քաղաքականացնել հարցը»։