Դուբլին. «Իսրայելը» չի կարողանում լռեցնել իռլանդացիների ձայնը

ParsToday- Կիրակի օրը Սիոնիստական ​​ռեժիմի արտաքին գործերի նախարար Գեդեոն Սաարը հայտնեց Իռլանդիայում Թել Ավիվի դեսպանատան փակման մասին՝ պայմանավորված այն հանգամանքով, ինչը  նա անվանեց Իռլանդիայի «հակաիսրայելական քաղաքականություն»:

Իռլանդիայի վարչապետ Սայմոն Հարիսը հայտարարել է, որ իր երկիրը կշարունակի քննադատել Գազայի հատվածում Պաղեստինի ժողովրդի դեմ Սիոնիստական ​​ռեժիմի հարձակումները, և որ այս ռեժիմը չի կարողանա լռեցնել Իռլանդիայի ձայնը։ Ըստ Parstoday-ի, Հարիսը լրագրողների հետ զրույցում Դուբլինում իր դեսպանատունը փակելու Իսրայելի որոշումը որակել է որպես «հասարակական կարծիքը շեղելու դիվանագիտություն»:

Նա ասաց. «Գիտե՞ք ինչը պետք է դատապարտել. Երեխաների սպանությունը, խաղաղ բնակիչների մահերը Գազայում, մարդկանց սովի ենթարկելը և հումանիտար օգնության բացակայությունը: Իմ կարծիքով, սրանք են, որ պետք է դատապարտվեն»։

Հարրիսը հավելել է. «Բոլորը հարցնում են Իռլանդիայի դիրքորոշման մասին, իսկ ի՞նչ կասեք Իսրայելի գործողությունների մասին․ Այն արարքների մասին, որոնք արել է Նեթանյահուն Գազայի անմեղ երեխաների դեմ: Սա դիվերսիոն դիվանագիտություն է»։

Նշենք, որ կիրակի օրը Սիոնիստական ​​ռեժիմի արտաքին գործերի նախարար Գեդեոն Սաարը հայտարարել էր Իռլանդիայում Թել Ավիվի դեսպանատան փակման մասին՝ պայմանավորված այն հանգամանքով, ինչը նա անվանել է Իռլանդիայի «հակաիսրայելական քաղաքականություն»։

Սիոնիստական ​​ռեժիմը Դուբլինից հետ է կանչել իր դեսպանին անցյալ տարվա մայիսին Պաղեստին պետությունը ճանաչելու Իռլանդիայի որոշումից հետո:

Անցյալ շաբաթ Իռլանդիան հայտարարեց, որ միացել է Հարավաֆրիկյան Հանրապետության կողմից Հաագայի միջազգային դատարանում Իսրայելի դեմ ներկայացված հայցին։ Այս հայցով «Իսրայելը» մեղադրվում է Գազայում ցեղասպանության հանցագործություններ կատարելու մեջ։