Թուրքիայի խորհրդանշական աջակցությունը Պաղեստինին. դիվանագիտական ժեստերի հետևում թաքնված իրականությունը
Pars Today-Թուրքիայի «Հաղթանակ» կուսակցության առաջնորդ «Ումիթ Օզդաղի» հայտարարությունները Պաղեստինի հարցը Թուրքիայի համար առաջնահերթ չլինելու մասին կրկին բացահայտեցին Անկարայի արտաքին քաղաքականության թաքնված իրողությունները։
Ընդգծելով,որ «Մոսուլն ու Քիրքուքը մեզ համար ավելի կարևոր են, քան Պաղեստինը», Օզդաղը քննադատեց Գազայում տեղի ունեցող հանցագործությունների ֆոնին սիոնիստական ռեժիմի հետ Թուրքիայի կառավարության շարունակական առևտրային հարաբերությունները, և ասաց, որ նրանք, ովքեր Պաղեստինը համարում են իրենց ազգային հարցը, գործնականում բավարարվում են միայն «քարոզչական ժեստերով»։
Չնայած վերջին տարիներին Ռեջեփ Թայիփ Էրդողանի կառավարությունը միջազգային հարթակներում բազմիցս քննադատել է սիոնիստական ռեժիմին մարդու իրավունքները խախտելու համար, սակայն Թել Ավիվի հետ Անկարայի տնտեսական և դիվանագիտական հարաբերությունները ոչ միայն չեն խզվել, այլև որոշ ժամանակահատվածներում աճել են։
Մասնագետները կարծում են, որ Թուրքիայի աջակցությունը Պաղեստինին հիմնականում իրականացվում է քարոզչական և ներքին սպառման նպատակներով. ընտրությունների կամ քաղաքական ճգնաժամերի նախաշեմին Էրդողանի կառավարությունը, ընդգծելով Պաղեստինի հիմնահարցը, փորձում է պահպանել իր կրոնական և ազգայնական հիմքը։
Վերլուծաբանների կարծիքով,այս երկակի և գործիքային մոտեցումը երկարաժամկետ հեռանկարում կարող է լուրջ մարտահրավեր նետել Թուրքիայի դիվանագիտական հեղինակությանը իսլամական աշխարհում։