Հանրապետական կուսակցությունը պառակտվում է Իրանի վերաբերյալ Թրամփի արած հայտարարություններից հետո
Politico-ն գրել է, որ Իրանի վերաբերյալ Դոնալդ Թրամփի արած արտահայտությունները խորացրել են Հանրապետական կուսակցությունում առկա պառակտումը։
Tasnim-ի փոխանցմամբ, Politico-ն գրել է, որ Դոնալդ Թրամփի կողմից Իրանի հետ հրադադարի դադարեցման մասին հայտարարությունը հանրապետականներին դժվարին երկընտրանքի առաջ է կանգնեցրել. նրանք պետք է կամ կանգնեն իրենց նախագահի դեմ, կամ աջակցեն ռազմական հակամարտությանը, որը կարող է խորտակել իրենց կուսակցությունը միջանկյալ ընտրությունների նախաշեմին։
Վերլուծության համաձայն՝ ԱՄՆ ահաբեկչական պետության ղեկավարի կողմից խաղաղության համաձայնագրի հասնելու մերթընդմերթ փորձերը պառակտում են առաջացրել Կոնգրեսի վերահսկողությունը պահպանելու համար պայքարող հանրապետական օրենսդիրների շրջանում։
Կուսակցության առաջնորդները նախկինում վճռականորեն աջակցել են Թրամփի ջանքերին՝ վերջ դնելու Իրանի միջուկային նկրտումներին, չնայած անցյալ ամիս նրանք զգուշորեն են գովաբանել Թեհրանի հետ կնքված փոխըմբռնման հուշագիրը, որը գործնականում անտեսել է միջուկային հարցը՝ թողնելով այն հետաձգել ապագային։
Սակայն վերսկսված մարտական գործողությունները հսկայական տնտեսական ռիսկեր են առաջացնում, և որոշ հանրապետական օրենսդիրներ մտահոգված են, որ նոյեմբերին դրանք կարող են թանկ նստել իրենց վրա, այդ թվում՝ տարվա ամենածանրաբեռնված ճանապարհորդական սեզոնին բենզինի գների բարձրացման հարցում։ Նրանք նաև վախենում են, որ պատերազմի և փխրուն խաղաղության այս կրկնվող ցիկլում նախագահը նշանակություն չի տա իրենց քաղաքական ճակատագրին։
Այս անորոշ և անհայտ իրավիճակը հենց այն է, ինչի մասին շատ հանրապետականներ, այդ թվում՝ փոխնախագահ Ջ.Դ. Վենսը, անհանգստանում էին։ Խնդիրն այն է, որ նրանք այժմ վերադարձել են այնտեղ, որտեղ գտնվում էին մի քանի ամիս առաջ, այն էլ այն ժամանակ, երբ ընտրություններին մնացել է ընդամենը չորս ամիս։