Մադուրոն Իրանին կոչ է արել նավթի գների կայունացման հասնել

Վենեսուելայի նախագահ Նիկոլաս Մադուրոն հեռախոսազրույցի ընթացքում Իրանի նախագահ Հասան Ռոհանիին կոչ է արել համագործակցել նավթի գների վերականգնմանն ուղղված միջոցառումների իրականացման հարցում, տեղեկացնում է gazeta.ru-ն։

Մադուրոն նաև կողմ է արտահայտվել Նավթ արտահանող երկրների կազմակերպության անդամների հանդիպման կազմակերպմանը, որպեսզի մշակվի ռազմավարություն, որը թույլ կտա կայունացնել գները նավթային շուկայում։

Վենեսուելայի նախագահը նաև իր գործընկերոջը շնորհավորել է միջազգային տնտեսական և ֆինանսական պատժամիջոցների չեղարկման առնչությամբ։

tert.am

20/1/2016