Լավրովի և Քերիի բանակցությունները տեղի կունենան Ժնևում օգոստոսի 26-ին

ԱՄՆ-ի և Ռուսաստանի արտաքին քաղաքական գերատեսչությունների ղեկավարներ Սերգեյ Լավրովի և Ջոն Քերիի բանակցությունները տեղի կունենան Ժնևում օգոստոսի 26-ին։

Այս մասին TASS գործակալությանը հայտնել են ՌԴ ԱԳՆ մամուլի ծառայությունից։

«Օգոստոսի 26-ին Ժնևում կկայանան Սերգեյ Լավրովի և Ջոն Քերիի բանակցությունները»,- նշել են նախարարությունում։

Ինչպես սպասվում է՝ հանդիպման գլխավոր թեման կդառնա Սիրիայում Ռուսաստանի և ԱՄՆ-ի հակաահաբեկչական համագործակցությունը։

Ավելի վաղ երկու երկրների փորձագետները խորհրդակցություններ էին անցկացրել Ժնևում, որտեղ քննարկվել էր նման փոխգործակցության հնարավորությունը։

1in.am