Թրամփի կեղծ հայտարարությունները Խան Շեյխունի քիմիական ռմբակոծման վերաբերյալ
Ամերիկացի նշանավոր գրող Սիմոր Հերշն ասել է.-«ԱՄՆ-ի նախագահն անտեսել է Սիրիայի Իդլիբ նահանգում գտնվող Խան Շեյխուն շրջանի քիմիական հարձակման դեպքի մասին անվտանգության կառույցների կողմից ներկայացված զեկույցները»:
ՍԱՆԱ-ի հաղորդման համաձայն՝ ամերիկացի նշանավոր գրող Սիմոր Հերշն իր հոդվածում գրել է.-«ԱՄՆ-ի անվտանգության կառույցների կողմից հրապարակված զեկույցները վկայում են, որ Սիրիայի Խան Շեյխուն տարածքում քիմիական հարձակման մասին ԱՄՆ-ի պաշտոնատարների կողմից արված հայտարարությունները չեն համապատասխանում իրականությանը»:
Հերշն ընդգծել է, որ ԱՄՆ-ի անվտանգության կառույցների կողմից հրապարակված տեղեկությունները վկայում են որ Սիրիայի բանակի կողմից ապրիլի 4-ին ահաբեկիչների դիրքերի դեմ հարձակումն իրականացվել է սովորական զենքերով:
Վաշինգտոնը հայտարարել է, որ Սիրիայի բանակը Իդլիբ նահանգում Խան Շեյխուն տարածքի դեմ քիմիական հարձակում է իրականացրել:
Մինչ այժմ Սպիտակ Տունը ոչ մի փաստ չի ներկայացրել այդ կապակցությամբ, որի պատճառով արժանացել է միջազգային կազմակերպությունների խիստ քննադատությանը:
