Վենեսուելայի ռազմաբազայում «ահաբեկչություն» է տեղի ունեցել

Հարձակում է տեղի ունեցել Վենեսուելայի ռազմաբազայի վրա, մի քանի մարդ ձերբակալվել է։

Այս մասին հաղորդում է Associated Press-ը՝ վկայակոչելով վենեսուելացի պաշտոնյային։

Իշխող Վենեսուելայի միասնական սոցիալիստական կուսակցության փոխնախագահ Դիոսդադո Կաբելյոյի խոսքով՝ «ահաբեկչական» հարձակումը տեղի է ունեցել Պարամակայ ռազմաբազայում։ Կաբելյոն Twitter-ի իր էջում գրել է, որ զինծառայողները իրադրությունը վերահսկելու համար միջոցառումներ են ձեռնարկել։

Գործակալության տվյալներով՝ ավելի վաղ հրապարակված տեսագրությունում զինվորական համազգեստով մարդկանց փոքրիկ խումբը հայտարարել է երկրի հյուսիսային Կարաբոբո նահանգում ապստամբության մասին։

News.am