Վենեսուելան երկրից արտաքսում է Բրազիլիայի դեսպանին եւ Կանադայի գործերով ժամանակավոր հավատարմատարին

Վենեսուելայի իշխանությունները պերսոնա նոն գրատա են անվանել միանգամից երկու բարձրաստիճան դիվանագետների՝ Կարակասում Բրազիլիայի դեսպան Ռույ Պերեյրային եւ Կանադայի գործերով ժամանակավոր հավատարմատար Կրեյբ Կովալիկին:

Այս մասին հայտնել է Վենեսուելայի Սահմանադրական ասամբլեայի նախագահ Դելսի Ռոդրիգեսը, հաղորդում է ՏԱՍՍ-ը:

«Մենք որոշել ենք պերսոնա նոն գրատա հայտարարել Բրազիլիայի դեսպան Ռույ Պերեյրային այնքան ժամանակ, մինչեւ սահմանադրական կարգը չվերականգնվի, որը խախտվել է այս եղբայրական երկրում», - ասել է Ռոդրիգեսը, հաղորդում է Venezolana de Televisión-ի կայքը:

Նրա խոսքով՝ նման միջոցներ են ձեռնարկվել նաեւ Կանադայի գործերով ժամանակավոր հավատարմատար Կրեյբ Կովալիկի հանդեպ՝ «Վենեսուելայի ներքին գործերին իր անընդհատ եւ կոպիտ միջամտության համար»:

News.am