Թրամփն անկանխատեսելի անձ է
ԱՄՆ պետքարտուղարի տեղակալի նախկին օգնականն այդ երկրի նախագահին անկանխատեսելի անձ է բնութագրել:
ԱՄՆ պետքարտուղարի տեղակալի նախկին օգնական Ջոն Լիմբերթն ԻՌՆԱ-ին տված հարցազրույցում ընդգծել է, որ ԱՄՆ նախագահ Դոնալդ Թրամփն անկանխատեսելի անձ է: Նա ասել է. «Թրամփը դեմ է ՀԳՀԾ-ին, քանի որ այն ստորագրվել է ԱՄՆ նախկին նախագահ Բարաք Օբամայի օրոք: Թրամփը հիմնականում դեմ է ցանկացած քայլի, որ ժամանակին վերցրել է Օբաման»:
«ՀԳՀԾ-ն թե ԱՄՆ-ի օգտին է և թե այն ստորագրած այլ երկրների, այսինքն դրա արդյունքը հաղթանակ-հաղթանակ է»,-հայտարարել է Ջոն Լիմբերթը, ով վերջին օրերին ստորագրել է Թրամփին ուղղված ՀԳՀԾ-ի պաշտպանների նամակը:
ԱՄՆ պետքարտուղարի տեղակալի նախկին օգնականն ասել է. «Թրամփն ավելի վաղ ասել էր, որ ցանկանում է հրաժարվել ՀԳՀԾ-ից և դա որևէ առնչություն չունի համաձայնության բովանդակության հետ»:
Լիմբերթը նախազգուշացրել է ՀԳՀԾ-ից ԱՄՆ-ի միակողմանի հրաժարվելու հետևանքների մասին: Նա նշել է, որ այդ քայլը կարող է ԱՄՆ-ին դուրս բերել Եվրոպայի, Ռուսաստանի ու Չինաստանի դեմ:
