Բաքուն արձագանքեց Ադրբեջանի ընտրությունների կապակցությամբ եվրոպացի դիտորդների զեկույցին
Ադրբեջանի ԱԳ նախարարությունն անարդար է որակել այդ երկրի նախագահական ընտրությունների մասին եվրոպացի դիտորդների զեկույցը:
Համաձայն «Ռոյտերզ»-ի հաղորդման, Ադրբեջանի ԱԳ նախարարությունը հինգշաբթի երեկոյան հայտարարել է. «Ադրբեջանի նախագահական ընտրությունների մասին ԵԱՀԿ-ի զեկույցը սխալ ու անարդարացի է»:
ԵԱՀԿ դիտորդները հինգշաբթի օրը տեղեկացրեցին Ադրբեջանի նախագահական ընտրությունների ընթացքում լուրջ ընտրախախտումների արձանագրման և իրական մրցակցության բացակայության մասին և հայտարարեցին ընտրությունների օրը դիտորդները պարտադիր ընթացակարգերի անտեսում, թափանցիկության բացակայություն եւ բազմաթիվ լուրջ խախտումներ են նկատել, այդ թվում, քվեատուփերի մեջ քվեաթերթիկների զանգվածային լցոնում:
Ադրբեջանի նախագահական ընտրություններում միակ լուրջ թեկնածու Իլհամ Ալիևը շահելով ձայների 86 տոկոսը, վերընտրվեց նախագահի պաշտոնում:
