Պակիստանյան Լահորում տեղի ունեցած պայթյունի հետեւանքով 50 մարդ է զոհվել
Մարտ 28, 2016 05:22 Asia/Tehran
Պակիստանյան Լահորում քաղաքային զբոսայգում տեղի ունեցած պայթյունի հետեւանքով առնվազն 50 մարդ է զոհվել, ավելի քան 100-ը՝ վիրավորվել: Այս մասին հաղորդում է BBC-ն՝ վկայակոչելով տեղական իշխանություններին:
Պայթյունը տեղի է ունեցել Գուլշան է-Իքբալ զբոսայգում, որտեղ մարտի 27-ի երեկոյան մեծ թվով քաղաքացիներ են հավաքված եղել:
Ոստիկանության հաղորդմամբ, պայթյունն իրականացրել է մահապարտը: Առայժմ որեւէ խմբավորում չի ստանձնել ահաբեկչության պատասխանատվությունը:
Լուրերի համաձայն, ահաբեկչությունն ուղղված է եղել քրիստոնյաների դեմ, որոնք Զատկի տոնի առիթով հավաքվել էին զբոսայգում:
Բոլոր խոշոր հիվանդանոցներն արտակարգ ռեժիմով տուժածների են ընդունում:
Պիտակ
