Հանուն գթած և ողորմած Աստծո Ողջույն հղելով բարության մարգարե Մոհամմադի անմար հիշատակին եւ բարեւելով Ձեզ հարգելի ռադիոլսող բարեկամներ ներկայացնում ենք «Ելք դեպի լույս » հաղորդումը, Ղուրանի մատչելի մեկնաբանությամբ:

Քահֆ սուրայի 54-րդ այա

وَلَقَدْ صَرَّفْنَا فِى هَٰذَا ٱلْقُرْءَانِ لِلنَّاسِ مِن كُلِّ مَثَلٍۢ ۚ وَكَانَ ٱلْإِنسَٰنُ أَكْثَرَ شَىْءٍۢ جَدَلًۭا

Ղուրանի յուրաքանչյուր էջում տվելենք զանազան պատվիրաններ, որպեսզի մարդիկ օգտվեն: Բայց մարդիկ ամեն ինչը խնդիր են դարձնում:

Այս այան ասում է. Աստված Ղուրանում տարբեր օրինակներ է բերել անցած դառն ու քաղցր դեպքերից, որպեսզի մարդիկ դաս քաղեն ու զատեն ճշմարտությունը: Սակայն որոշ մարդիկ շարունակում են չհավատալ ճշմարտությանն ու չընդունել այն: Նրանք տրամաբանությանը ենթարկվելու փոխարեն վիճում են, կարծելով, որ այդպիսով կարող են հանգստացնել իրենց խիղճն ու իրենց անհնազադնության համար պատասխան գտնել:

Այս այայից սովորում ենք.

1. Ղուրանը մարդկանց առաջնորդելու համար տարբեր օրինակներ է բերել հին ազգերի ու մարդկանց մասին, այդպիսով փորձելով մարդկանց առաջնորդել:

2. Եթե ճշմարտությունն ընդունելու հոգեբանությունը մարդու մեջ չլինի, նա կսկսի ընդդիմանալ ճշմարտությանն  ու ավելի շատ հակաճառել:

Քահֆ սուրայի 55-րդ այա

وَمَا مَنَعَ ٱلنَّاسَ أَن يُؤْمِنُوٓا۟ إِذْ جَآءَهُمُ ٱلْهُدَىٰ وَيَسْتَغْفِرُوا۟ رَبَّهُمْ إِلَّآ أَن تَأْتِيَهُمْ سُنَّةُ ٱلْأَوَّلِينَ أَوْ يَأْتِيَهُمُ ٱلْعَذَابُ قُبُلًۭا

Երբ ճշմարտությունը երևան եկավ, նենգամիտներն  ուրացան այն: Նրանք երբեք չապավինեցին աստվածային գթությանը: Բայց, որպես պատիժ իրենց անհավատության համար, նրանք պետք է ենթարկվեն այն վճռին, որ կրեցին իրենց  նախնիները, և կամ պատժի, որ ողջ աշխարհը պետք է տեսնի:

Այս այան, անդրադառնալով նրանց, ովքեր հասկանում են ճշմարտությունը, սակայն չեն ընդունում այն, ասում է, որ թերևս միակ բանը, որ նրանց կարող է  ստիպել խոնարհվել ճշմարտության առջև, նախկին ցեղերի ճակատագրին արժանանալն է, որպեսզի զգան, որ կործանվում են ու իրենց աչքերով տեսնեն պատիժը: Թերևս դրանից հետո հավատքի գան: Սակայն նման հավատքն այլևս արժեք չունի, քանի որ հիմնված է վախի վրա, ոչ թե սեփական կամքի:  Այս այան ունի մի պատգամ և  մի զգուշացում: Պատգամն այն է, որ եթե ապաշխարեք ու հրաժարվեք ձեր մեղքերից,  Աստված կընդունի դա: Իսկ զգուշացումն այն է, որ եթե դիմադրեք ճշմարտության նկատմամբ, կոչնչանաք նախորդ ցեղերի նման: Սակայն կարծրամիտ անհավատները ոչ պատգամներին են ուշադրություն դարձնում և ոչ էլ զգուշացումներին:

Այս այայից սովորում ենք

1. Աստված երկնային գրքեր ու մարգարեներ ուղարկելով, մարդկանց ցույց է տվել առաջնորդման ճանապարհը և ամեն ինչ պարզել է, որպեսզի այլևս ոչ մի պատրվակ չլինի:

2. Երբ մարդն ապաշխարում է,  խուսափում է  աստվածային պատժից:

3. Խրատն ու բանականությունը ամեն տեղ չէ որ պետք է օգտագործել: Երբեմն դրանց հետ միասին պետք  է լինի պատիժը:

Քահֆ սուրայի 56-րդ այա

وَمَا نُرْسِلُ ٱلْمُرْسَلِينَ إِلَّا مُبَشِّرِينَ وَمُنذِرِينَ ۚ وَيُجَٰدِلُ ٱلَّذِينَ كَفَرُوا۟ بِٱلْبَٰطِلِ لِيُدْحِضُوا۟ بِهِ ٱلْحَقَّ ۖ وَٱتَّخَذُوٓا۟ ءَايَٰتِى وَمَآ أُنذِرُوا۟ هُزُوًۭا

Մենք մարգարեներին ուղարկեցինք միայն խոստումներն ավետելու և մեր սպառնալիքները հայտնելու համար: Նրանք, ովքեր անհավատ են դարձել, ապարդյուն կռիվ են մղում ճշմարտության դեմ:Նրանք ծաղրի են ենթարկում մեր պատվերներն ու սպառնալիքները:

Այս այան, իսլամի մարգարեին մխիթարելու համար ասում է. Ով մարգարե,  չլինի, որ անհավատների անհավատությունն անհանգստացնի քեզ: Որովհետև մարգարեները միայն մի պարտականություն ունեն. դա մարդկանց նախազգուշացնելն է: Եվ մարդիկ իրենք պետք  որոշեն սուտն են ընդունում, թե ճշմարտությունը: Ոմանք, չարաշահելով իրենց հնարավորությունը, Աստծուն հավատալու փոխարեն, անհավատ են դառնում: Բացի դրանից, նրանք փորձում են ոչնչացնել ճշմարտությունը: Ընդդիմադիրների ճանապարհներից մեկը հավատացյալներին և Ղուրանի այաները ծաղրելն է,այն այաները, որոնք մարդկանց ավետում են հանդերձյալ կյանքի ու հարության և նախազգուշացնում դխոժքի մասին: Անհավատները սակայն ասում են. Ո՞վ  է եկել հանդերձյալ աշխարհից, որ մեզ նման լուրեր բերի և մենք հրաժարվենք կյանքի բարիքներից:

Այս այայից սովորում ենք

1. Մարգարեների գործը մարդկանց առաջնորդելն է և ոչ թե ստիպել հավատալ:

2. Հակառակորդները դիմում են ծաղրին և ոչ թե տրամաբանությանը:

3. Պետք է զգույշ խոսենք ու զգույշ վարվենք, քանի որ կրոնական պատվիրանները ծաղրելով, ծաղրում ենք աստվածային այաները: Իսկ Ղուրանը դա խիստ դատապարտում է ու համարում անհավատություն:

Աստված Ձեզ պահապան