Հանուն գթած և ողորմած Աստծո:Ողջույն հղելով բարության մարգարե Մոհամմադի անմար հիշատակին եւ բարեւելով Ձեզ հարգելի ռադիոլսող բարեկամներ ներկայացնում ենք «Ելք դեպի լույս » հաղորդումը, Ղուրանի մատչելի մեկնաբանությամբ:

Մոմենուն սուրահի 15 և 16-րդ այաներ

ثُمَّ إِنَّکُمْ بَعْدَ ذَلِکَ لَمَیِّتُونَ

ثُمَّ إِنَّکُمْ یَوْمَ الْقِیَامَةِ تُبْعَثُونَ

Ստեղծվելուց հետ պիտի մեռնեք:

Այնուհետև դատաստանի օրը պետք է հարություն առնեք:

Նախորդ հաղորդման ժամանակ խոսեցինք այն այաների մասին, որոնք ներկայացնում են մարդու արարման փուլերը: Այս այաներն ասում են.  «Այդ փուլերի ավարտվելուց հետո ավարտվում է նաև ձեր կյանքը: Դուք այս աշխարհից հանդերձյալ աշխարհ եք տեղափոխվում և այնտեղ վերակենդանանում»: Նախորդ հաղորդման ժամանակ խոսեցինք նաև հոգու արարման մասին: Արարում, որը չի ավարտվում հոգով և յուրաքանչյուր մարդու աշխարհիկ ու հանդերձյալ կյանքերը միացնող օղակն է համարվում: Մահը բացարձակ իրականություն է, որի մասին իմամ Ալին ասում էր. «Եթե որևէ մեկին հաջողվեր գտնել ճանապարհ` մահը վերացնելու համար  և աշխարհում հավերժական կյանք լիներ, դրանք պետք է լինեին աստվածային մարգարեները: Սակայն նրանք նույնպես մահվան միջոցով հեռացան այս աշխարհից: Ուրեմն ոչինչ այս աշխարհում հավերժական չէ»:

Այս այաներից սովորում ենք.

1. Մահը ոչնչություն չէ, այլ մարդկային կյանքի փուլերից մեկը, որից հետ  սկսվում է հանդերձյալ կյանքը:

2. Մարդու կյանքը միայն նյութական ու աշխարհիկ կյանքերով չի սահմանափակվում: Հավատացյալները հավատում են նաև բարոյական կյանքին, որը դրսևորվում է հարության միջոցով:

Մոմենուն սուրահի 17-րդ այա.

«وَلَقَدْ خَلَقْنَا فَوْقَکُمْ سَبْعَ طَرَائِقَ وَمَا کُنَّا عَنِ الْخَلْقِ غَافِلِینَ»

Ձեր գլխի վրա մենք բարձրացրինք յոթ (երկնային) ուղի: Մեր արարածների կարիքները երբեք չենք անտեսում:

Այս այան խոսում է այս աշխարհում Աստծո ուժի նշանների մասին: Այան անդրադառնում է  յոթ ճանապարհներին, որ ըստ երևույթին այն առանցքներն են, որոնց շուրջը պտտվում են բազմաթիվ աստղերը: 7 թիվն այստեղ նաև բազմանալու խորհրդանիշ է: Այնուհետև այան ասում է. «Չկարծեք, թե այսքան շատ արարումը պատճառ կդառնա, որ արարիչը նրանց չկարողանա կառավարել»:

Այս այայից սովորում ենք.

1. Մարդու, երկրի ու երկնքի արարիչը մեկ է և ողջ տիեզերքը նրա կամքով է կառավարվում:

2. Աստված և արարիչ է և հսկիչ: Նա ամեն ինչ տեսնում է:

Մոմենուն սուրահի 18-րդ այա

وَأَنزَلْنَا مِنَ السَّمَاء مَاء بِقَدَرٍ فَأَسْکَنَّاهُ فِی الْأَرْضِ وَإِنَّا عَلَى ذَهَابٍ بِهِ لَقَادِرُونَ

Մենք երկնքից անձրև ենք իջեցնում ու երկրի վրա պահում այն: Մենք կարող ենք անհետացնել այն, եթե կամենանք:

Այս այան անդրադառնում է  անձրևին, որպես աստվածային բարիքներից մեկը: Այան ասում է. «Երկրին անհրաժեշտ ջուրն ապահովվում է անձրևի միջոցով: Ջուրը ներծծվում է հողի մեջ և պաշարվում, որպեսզի տարվա ընթացքում մարդն օգտագործի խմելու և ոռոգման համար: Բնականաբար, Աստված, որը մարդու, բույսերի ու կենդանիների ամենակարևոր կարիքի մասին հոգացել է, կարող է նաև դա խլել և բոլոր կենդանի էակներին ոչնչացնել: Եվ ոչ մի ուժ չի կարող Աստծո համար արգելք հանդիսանալ, կամ այլ ձև առաջարկել մոլորակի ջրի ապահովման համար»:

Այս այայից սովորում ենք.

1. Ջուրը, որը բոլոր կենդանի էակների, այդ թվում նաև մարդու կյանքի ամենակարևոր աղբյուրն է  հանդիսանում, իջնում է  երկրի վրա, որպեզի բոլորն օգտվեն այդ բարիքից:

2. Աստվածային բարիքների արժեքն այն ժամանակ է պարզվում, երբ կարճ ժամանակով դրանք կորցնում ենք: