Հանուն գթած և ողորմած Աստծո:Ողջույն հղելով բարության մարգարե Մոհամմադի անմար հիշատակին եւ բարեւելով Ձեզ հարգելի ռադիոլսող բարեկամներ, ներկայացնում ենք «Ելք դեպի լույս» հաղորդումը, Ղուրանի մատչելի մեկնաբանությամբ:

Լողման սուրահի 7-րդ այա

وَإِذَا تُتْلَىٰ عَلَیْهِ آیَاتُنَا وَلَّىٰ مُسْتَکْبِرًا کَأَنْ لَمْ یَسْمَعْهَا کَأَنَّ فِی أُذُنَیْهِ وَقْرًا ۖ فَبَشِّرْهُ بِعَذَابٍ أَلِیمٍ

Երբ նրանց համար կարդացվեն մեր այաները, արհամարհանքով կշրջեն իրենց գլուխները, կարծես թե ոչինչ չեն լսում, կամ ականջներըը ծանր են լսում: Բայց զգուշացրու նրանց, որ իրենց   ահավոր չարչարանք է սպասվում:

Նախորդ հաղորդման ժամանակ ասացինք, որ ըստ Ղուրանի, որոշ մարդիկ, ստեր տարածելով, ուրիշներին մոլորեցնում են և հեռացնում աստվածապաշտությունից: Այս այան ասում է, որ նման  մարդիկ պատրաստ չեն անգամ Ղուրանի այաները լսել, ուր մնաց մտածեն, որ դրանք տարամաբանության վրա են հիմնված ու հավատան դրանց: Իհարկե այս ամենի պատճառը նրանց մեջ եղած գոռոզամտությունն է: Նրանք նույնիսկ  մարգարեներից ու հավատացյալներից են վերև դասում իրենց և պատրաստ չեն  լսել նրանց: Բնականաբար,  նման մտածելակերպը մարդկանց մոլորեցնում է, քանի որ անհավատությունը բխում է գոռոզամտությունից և ոչ թե անտեղյակությունից:

Այս այայից սովորում ենք.

1. Գոռոզամտությունը պատճառ է դառնում, որ մարդը չկարողանա տեսնել ճշմարտությունը, ինչի պատճառով մոլորվում է:

2. Սուտ խոսքերին հետևելը մարդուց խլում է ճշմարտությունը լսելու հնարավորությունը։

Լողման սուրահի 8-րդ և 9-րդ այաներ

إِنَّ الَّذِینَ آمَنُوا وَعَمِلُوا الصَّالِحَاتِ لَهُمْ جَنَّاتُ النَّعِیمِ

خَالِدِینَ فِیهَا ۖ وَعْدَ اللَّهِ حَقًّا ۚ وَهُوَ الْعَزِیزُ الْحَکِیمُ

Այն հավատացյալները, ովքեր առաքինի գործեր են անում, երանության պարտեզների մեջ են բնակվելու:

Նրանք այնտեղ մնալու են հավիտենապես: (Սա) Աստծու ճշմարիտ խոստումն է, ու Նա է անպարտելին, և ճշգրիտ են Նրա գործերը:

Նախորդ հաղորդման ժամանակ ասացինք, որ ճշմարիտ խոսքի փոխարեն, որոշ մարդիկ հետևում են սուտ խոսքերի: Նման մարդիկ անհավատություն են տարածում և արժանանում Աստծու պատժին: Սակայն կան նաև մարդիկ, ովքեր բարի գործեր են անում և արժանանում Աստծու գթությանը: Նրանք, ովքեր Ղուրանի այաներն ուշադիր կարդում են ու լսում, խորհում են այդ մասին և հավատում տրամաբանորեն: Նրանք Արարչի հանդեպ գոռոզամտության փոխարեն, հնազանդվում են Նրան և համեստ վերաբերմունք ցուցաբերում Աստծու արարածների նկատմամբ: Աստված նման մարդկանց հավերժական դրախտ է  խոստացել և կատարում է իր խոստումը:

Այս այայից սովորում ենք.

1. Միայն հավատքով, մարդը չի փրկվում: Հավատքը պետք  է ուղեկցվի բարի գործով և այդպիսով մարդը հավերժական երջանկության կհասնի։

2. Դրախտն Աստծու բազմազան բարիքների օրրանն  է: Ուստի մարդն այնտեղ ոչ ձանձրանում  է և ոչ էլ հոգնում։

3. Աստծու խոստումներին հավատանք, որովհետև դրանք կատարվում են։

Լողման սուրահի 10-րդ և 11-րդ այաներ

خَلَقَ السَّمَاوَاتِ بِغَیْرِ عَمَدٍ تَرَوْنَهَا ۖ وَأَلْقَىٰ فِی الْأَرْضِ رَوَاسِیَ أَنْ تَمِیدَ بِکُمْ وَبَثَّ فِیهَا مِنْ کُلِّ دَابَّةٍ ۚ وَأَنْزَلْنَا مِنَ السَّمَاءِ مَاءً فَأَنْبَتْنَا فِیهَا مِنْ کُلِّ زَوْجٍ کَرِیمٍ

هَٰذَا خَلْقُ اللَّهِ فَأَرُونِی مَاذَا خَلَقَ الَّذِینَ مِنْ دُونِهِ ۚ بَلِ الظَّالِمُونَ فِی ضَلَالٍ مُبِینٍ

Աստված ստեղծեց երկինքներն առանց տեսանելի սյուների: Նա երկրի վրա զետեղեց բարձր լեռներ,  որպեսզի երկիրը ձեզ չցնցի, ձեզ ամրացնի, և երկրի վրա ստեղծեց ամեն տեսակի կենդանիներ: Եվ ջուր իջեցրեց երկնքից տնկիների սերմը ծլեցնելու համար:

Ահա Աստծու ստեղծագործությունը: Հիմա Ինձ ցույց տվեք, թե ձեր կուռքերն ինչ ստեղծեցին ոչնչից: Ապիրատները մխրճված են խավարի մեջ:

Այս այաները վերաբերում են Աստծու զորությանն ու դրա դրսևորումներից հինգին:

Առաջինը այն է, որ երկինքն ու տիեզերքը կանգնում են առանց որևէ սյունի հենվելու:

Լեռների արարումն ապահովում է երկրի կայունությունն ու անդորրը:

Ցամաքում, ծովում ու երկրի վրա տարբեր տեսակի էակների արարումը, անձրևի տեղումը և բույսերի աճը:

Այս բոլորը վկայում են մի կարևոր հանգամանքի մասին: Դրա համաձայն՝ բարձրյալն Աստծու ուժն անսահման է և ոչ մեկն այդ ուժի մեջ  մասնակից չէ:

Այս այաներում անդրադարձ է կատարվում սյուներին, որոնք անտեսանելի  են և պահապնում են մոլորակներն ու տիեզերքը: Այս այաները կարևորում են նաև լեռների դերը: Դրանք համարվում են Ղուրանի գիտական հրաշքներից: Պետք է ասել, որ այս փաստերը ներկայացվել են մի ժամանակաշրջանում, երբ մարդն այս ամենի մասին գաղափար չուներ: Այս բոլոր նշաններով հանդերձ, սակայն, մարդիկ դեռևս անտեղյակության կամ սխալ ենթադրությունների պատճառով, որոշ անձանց կամ իրերի, Աստծուն հավասար են դասում: Այնուհետև այաներն ասում են. «Այն ամենն ինչ դուք Աստծուն հավասար եք դասում, ոչ մի դերակատարություն չունեն բնական երևույթների արարման հարցում: Նրանք չեն կարող անգամ մի ճանճ կամ  մոծակ արարել, ուր մնաց՝ բուսականություն: Այնուհետև այայի վերջում ասվում է. «Այն գաղափարախոսությունը, որ որևէ անձ կամ իր կարող է Աստծուն հավասար դասվել,  չարիք է համարվում և մարդու և Աստծու նկատմամբ»։

Այս այաներից սովորում ենք․

1. Տիեզերքի, մոլորակների ու աստղերի գոյությունը երկքնում, Արարչի ամենազորության նշանն  է և Ղուրանի հրաշագործության, որը համարում է, որ գոյություն ունեն անտեսանելի սյուներ, որ այսօր համարվում են երկրի ձգողականության ուժը:

2. Եվ ջուրը և հողը և բնությունն Աստծու համար արժեքավոր են: Մարդը   պետք է արժևորի կենսոլորտը և պահպանի Աստծու տված այս բարիքը:

3. Աստծուն ճանաչելու համար, կարելի է դիմել համեմատության և համեմատել նրա և ուրիշների ուժը:

4. Նրանք, ովքեր Աստծուց բացի ուրիշ արարածի կամ  իրի են պաշտում, չարիք են գործում, ինչի արդյունքում մոլորվում են :