Հանուն գթած և ողորմած Աստծո:Ողջույն հղելով բարության մարգարե Մոհամմադի անմար հիշատակին եւ բարեւելով Ձեզ հարգելի ռադիոլսող բարեկամներ,ներկայացնում ենք «Ելք դեպի լույս» հաղորդումը, Ղուրանի մատչելի մեկնաբանությամբ:

Լողման սուրահի 14-րդ այա

وَوَصَّیْنَا الْإِنْسَانَ بِوَالِدَیْهِ حَمَلَتْهُ أُمُّهُ وَهْنًا عَلَىٰ وَهْنٍ وَفِصَالُهُ فِی عَامَیْنِ أَنِ اشْکُرْ لِی وَلِوَالِدَیْکَ إِلَیَّ الْمَصِیرُ

Մենք մարդուն պատվիրեցինք, որ կատարի իր ծնողների հանդեպ նվիրական պարտականությունները: (Երբ) մայրը նրանով հղիացավ, օրեցօր տկարանում էր, իսկ երկու տարին լրանալով` իր կաթից  կտրեց, և (նրան) պատվիրեցինք. «Երախտապարտ եղիր Ինձ ու քո ծնողներին: Ես ամեն բանի վախճանն եմ»:

Նախորդ հաղորդման ժամանակ անդրադարձանք իր որդիներին ուղղված Լողմանի խրատներին, որոնցով նա իր որդիներին կոչ էր անում հեռու մնալ կռապաշտությունից: Այս այան երեխաներին հորդորում է հարգել ծնողներին ու կարևորում է ծնողների դերը երեխաների դաստիարակության հարցում: Այան ասում է. «Աստված երեխաներին ստեղծում է  ծնողների միջոցով»: Այան անդրադառնում է հատկապես մոր քաշած նեղությանը՝ սկսած երեխայի ծնվելուց մինչև մեծանալը: Այան երեխաներին հորդորում է ուշադիր լինել իրենց մայրերին և Աստծու բարիքները փառաբանելուն զուգահեռ, շնորհակալ լինել ծնողներ ունենալու համար և բնարձր գնահատել նրանց արածը։

Այս այայից սովորում ենք․

1. Ծնողներին հարգելը միշտ անհրաժեշտ է: Երեխաները, նույնիկ եթե իրենց ծնողներն անհավատ են, պետք է բարի լինեն նրանց նկատմամբ։

2. Իսլամական մշակույթում մայրը կարևոր դիրք է զբաղեցնում, քանի որ մայրն ավելի մեծ նեղություն է  քաշում երեխաների համար:

3. Ծնողներից առաջ պետք է Աստծուն  գնահատել։ Ծնողների նկատմամբ ուշադրությունը և հարգանքը չպետք է պատճառ դառնան, որ մարդը մոռանա Աստծուն, որ ամեն ինչի արարիչն է։

Լողման սուրահի 15-րդ այա

وَإِنْ جَاهَدَاکَ عَلَىٰ أَنْ تُشْرِکَ بِی مَا لَیْسَ لَکَ بِهِ عِلْمٌ فَلَا تُطِعْهُمَا ۖ وَصَاحِبْهُمَا فِی الدُّنْیَا مَعْرُوفًا ۖ وَاتَّبِعْ سَبِیلَ مَنْ أَنَابَ إِلَیَّ ۚ ثُمَّ إِلَیَّ مَرْجِعُکُمْ فَأُنَبِّئُکُمْ بِمَا کُنْتُمْ تَعْمَلُونَ

Եթե ծնողներդ քեզ ստիպեն Ինձ  հավասար դասել մի բան, որի մասին գաղափար չունես, մի հնազանդվիր նրանց: Այս աշխարհում, սակայն, նրանց նկատմամբ պարկեշտ եղիր: Հետևիր նրա ճանապարհին, ով ապաշխարելով դեպի Ինձ է վերադառնում: Մի օր բոլորդ կանգնելու եք Իմ դատաստանի առաջ, և Ես ձեզ ցույց եմ տալու ձեր արարքները»:

Այս այան երեխաներին զգուշացնում է, որ հարգանքը ծնողների նկատմամբ ու կապվածությունը, չպետք է պատճառ դառնան, որ երեխան չունենա մտավոր անկախություն և առանց մտածելու, ելնելով հարգանքից, ընդունի այն ինչ ասում են ծնողները: Հավանական է, որ շատ ծնողներ ունենան սխալ գաղափարներ և դրանք փոխանցեն իրենց երեխաներին: Սակայն Աստված, որ Արարիչ է, թույլ չի տալիս, որ երեխան, ընտանեկան կապերի պատճառով, ընդունի ծնողների սխալ գաղափարները, ինչքան էլ որ նրանք անհանգստանան կամ երեխային հեռացնեն իրենցից:

Այնուհետև այան ասում է. Եթե ծնողները անհավատ ու կռապաշտ եղան, նրանց նկատմամբ պետք է ճիշտ վերաբերմունք ցուցաբերել: Երեխան չպետք է խզի կապն իր ծնողների հետ, նրանց նկատմամբ պետք է հարգալից լինի ու երբեք որևէ կոպիտ արարք թույլ չտա։

Այս այայից սովորում ենք․

1. Ծնողների ցանկությունների նկատմամբ հարգանքը մինչև այն ժամանակ է ճիշտ, քանի դեռ այն չի հակասում Աստծու ցանկություններին։

2. Նախնիների սովորությունները որպես ազգային արժեք մինչև այն ժամանակ են կարևոր, քանի դեռ չեն հակասում կրոնական ուսմունքներին: Հակառակ դեպքում, դա համարվում է կույր հնազանդություն։

3. Իսլամի տեսակետից, ոչ մուսուլմանների հետ խաղաղ համակեցությունը հնարավոր է միայն այն ժամանակ, երբ նրանց միջև առկա է հարգանք և չկա պարտադրանք։

Լողման սուրահի 16-րդ այա

یَا بُنَیَّ إِنَّهَا إِنْ تَکُ مِثْقَالَ حَبَّةٍ مِنْ خَرْدَلٍ فَتَکُنْ فِی صَخْرَةٍ أَوْ فِی السَّمَاوَاتِ أَوْ فِی الْأَرْضِ یَأْتِ بِهَا اللَّهُ ۚ إِنَّ اللَّهَ لَطِیفٌ خَبِیرٌ

Որդի՛ս, եթե  ժայռի  ծերպերում, երկինքներում կամ երկրի վրա անգամ մանանեխի հատիկի չափ մի բան թաքնված լինի, Աստված այն ցույց կտա, որովհետև Նրա տեսողությունից ոչինչ չի խուսափի:

Ընդհանրապես, երբ մարդը բարի գործ է  անում, պատահում է նաև, որ անի փոքրիկ սխալներ, որոնց շարունակական լինելը կարող է բացասաբար ազդել մարդու կյանքի վրա: Այս այան, անդրադառնալով Լողմանի խրատներին, նրա անունից ասում է. «Որդիս, քո արարքը մեծ լինի թե՝ փոքր, բացահայտ թե գաղտնի, Աստծու համար տարբերություն չկա: Նույնիսկ ամենափոքր գաղտնի գործերն Աստծու համար տեսանելի են: Եվ հենց այդ գործի համար, հնարավոր է որ Աստված հանդերձյալ կյանքում քեզ պատժի կամ վարձատրի»։

Այս այայից սովորում ենք․

1. Ծնողները պետք է երեխաների հետ խոսեն դատաստանի օրվա և լավ ու վատ արարքների մասին։

2. Աստված տեղյակ է մեր բոլոր արարքներից, փոքր կամ մեծ: Երբ մարդը հավատում է դատաստանի օրվան, ավելի զգուշավոր է դառնում իր արարքների մեջ։

3. Մարդու արարքների հետևանքները մինչև մահ իր հետ են։